[poem=font=",6,,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/11.gif" border="none,4," type=0 line=0 align=center use=ex num="0,black""]
يا مل قلب(ن) كنه بجوف محماس=يروح مثل البن لا صار محموس
يفز قلبي كل ما دق هوجاس=فزة صقر لا فز من كف محروس
وأعوذ بالخلاق من كل وسواس=لا دق في قلبي من الضيق هاجوس
يطري عليه ذكر بالفعل نوماس=فيه الوفاء والطيب والصدق مغروس
ما يتبع النمات في كل مجلاس=ولا هو على بيوت المخاليق جاسوس
تشوف هبة ريح ودلال جلاس=واهل المروه والوفاء حوله جلوس
فنجال دله داير(ن)يجلي عماس=ما بينهم خبيث طبع(ن) ودنفوس
ما بينهم رديان وأنذال وأنجاس=ولا بينهم نقال للهرج هدروس
هرجه قفا يهرج بها كل بلاس=واليا هرج بالكذب بيحوسها حوس
والعشره اللي ما توثق على ساس=سوات تمره داخل(ن) جوفها سوس
لا صار ما تشعل كما النار مقباس=صافي عسل لكن به سم مدسوس
ما هو صويب اللي سلم ضربة الراس=صويب من هو كل ضربه على الراس
قيست في بعض المخاليق بقياس=لكن خاب الظن في باري القوس
كل(ن) على قده يحصله قياس=يكفيه لا ياخذ من ألباس ملبوس
والعود ما ينفع ليا جاه الايباس=مغير عود الطيب لا صار مبسوس
وما كل من يقرب من البحر غطاس=ولا كل جرح تقطعه حدة الموس
وكليب ما همه بعد غدر جساس=تكتب يمينه واصبح العلم مدروس
واللي قعد للذيب في جوف متراس=الذيب حطه بين نيبان وظروس
لقيت في الاصحاب من كل الاجناس=شكل العرب والطبع من طبع هندوس
بعض العرب هرجه كما عقد الالماس=والبعض الاخر هرجته لدغ ناموس
وبعض العرب يبغاك في كل مرواس= يبغاك لا منك غني راعي فلوس
وان طاح حظك بعد ما جاك الافلاس=تدوسك اصحاب الرخا بالقدم دوس
يا وجد روحي كل ما هب نسناس=وجد اليتيم اللي بعد فقر محبوس
راحت حياته كلها هم وأتعاس=ماله رفيق(ن) واصبح الحال ميؤس
بنيت عجز الشطر الاول على آس=والشطر الاخر قام عجزه على اوس
صلوا على اللي بين الهدي للناس=محمد اللي صارت أحداثه دروس
[/poem]

الشاعر/فايز السلمي

شاعرنا الراقي المبدع والمتألق / أبو أشواق (فايز السلمي )

نعم هذا هو الشعر الهادف المفيد لقائله وقارئه وسامعه .

فلسفة الكبار . وإبداع العمالقة . درر ثمينة . وقصيدة تعانق السحاب علواً وتسلب الألباب جمالاً لله درك

إبداع منقطع النظير . ونصيحة نسأل الله أن يجعلها في ميزان حسناتك .

صح لسانك وسلم بنانك والطيب والتميز والتألق والإبداع طبعك وعنوانك .

كتبت ماتشاء وأبدعت وتألقت وأمتعت بتخصص الكبار فلله درك وفالك التوفيق دائماً .

نسأل الله أن يرزقنا وإياكم الإخلاص في القول والعمل . فالك الفردوس الأعلى .

دمت بكل الحب أخاً وصديقاً مبدعاً ومتميزاً ومتألقاً في حفظ الرحمن

__________________