المعــرفه قوت العقــل والشـعر فن من الفنـون
والتجـــربه برهـــان لو جات النتيـجــه مؤلمــــه


الشاعر اللي يكتب أغراض الشعر في كل لون
يقدر يسوي من حثيثات التجــــــــــارب ملحمه


لله در اللي نثر شعره مثل غــر المــــــزون
اليا كتب سوى شغب بين الحروف المبهمه


اسمع مثل خطوه ما بين العبقريه والجنون
اما تجي مجنون والا عبقـــــري لك ملهمه


الشعــــــر له شعار في كل المـدائن هائمون
يقولون مالا يفعــــــلون قول ربي ما عظمـــه


وانا كتبت الشعر من صدق المشاعر والشجون
شيئ بدأ في خاطري قبل يغــــــــدي اترجمه


ولا هانوا اللي من صواديف التجارب يكتبون
شــــعار والشـعار كلن له صفات وله سمه


شــــاعر يحلل جابته تحليل بابدع ما يكون
للازم يفقد كلمته قدام تطلــــــع من فمه


وشـــاعر يجي متميلح يغني على كل اللحون
صوته شجي يعجبك في شعره وفي خفة دمه


وشــاعر قبيله لا وقف شجيع عند المكرفون
الشعر وحروف الشعر مثل الرصاص بمحزمه


وشــــاعر حكيم بحكمته ما تختلف فيه الظنون
الشعــــر وحـــروف القوافي عقد لؤلؤ ينظمه


وشاعر يصوغ المدح في نفسه وتضحك له سنون
شجيــــع في وقت السعه لكن بالفعـــــل رخمه


شمات متغطرس يبي يضحك على كل الدقون
ما يدري ان اهل الشكاله من مديحه تشتمـــه


هذا وانتم يا جماهير الشعـــر قومن غاوون
ما عدكم ياكم وكم مسلم وكم من مسلمه




وأنت شاعر حكيم صح لسانك ولا فض فوك