متواضعه جديدة من القلب الى القلب ارجو ان ترقى لذائقة الجميع

[poem=font=",6,royalblue,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
من منطلق سير المحبه والهوى عبر الأثير=مع مجريات احداث مرتني تعزف اسبابها

الله واكبر كل ما حان المساء حان الهجير=تأخذني احلامي على المسرى واعن اركابها

قلبي من الفرقى غدى ماله خوي ولا نصير=حتى اليالي ما تجنبني شرور اعتابها

يا ابو محمد لا تؤاخذني ترى حالي خطير=ما غير اهوجس وامتحني هاجسي بغيابها

يا نعنبوها دمعةٌ طاحت على خدي عصير=العبره اللي يا عسى فال العدو يبلابها

عيا يخبيها جناح عمامتي عنّك واسير=تذرف عل خدي مثل بئراً تصب اشيابها

مير السموحه لا حداً يضحك على الصوت المثير=انا طفل فاقد حنان امه دفا جلبابها

الحب ذل يخلي الرجّال كالطفل الغرير=ياكم وكم صاحت رِجالً قبلنا من مابها

حاولت اليّم لي شتات ضاع منقطع النظير=وازريت يا قو الطعون الداميه مضربها

وقفلت بيبان الاماني كلها شراً وخير=واخذت من سود اليالي درسها بكتابها

كل اليالي خالفتني فالزمان المستدير=واللي فتحنا بابها عدنا قفلنا بابها

واليوم بادي بالأفق بدراً على الدنيا منير = في ليلة يا ابو محمد ما حسبت احسابها[/poem]

__________________