قبل ما استلـهم ابيـات القصيـد اللي كتبـتـه فيـك
يحول الصمت في حضـرة حضـورك يا معـذبني


احاول قد ماقدر واجمع احروف الشـعر واهـديك
بيـوت الشـوق فـن وذوق شعـري فيـك يطـربني


عنـاوين الغـلا حسـب الوفــا فـي دفتـري تهـديك
ترانـيـــم المـحـــبــه والــمــوده نـار تحـــرقـنــي


انا لـو كنـت مــا احبـك ولانـي بالــغــلا مغـليــك
مـا كـنـت اسمـح لحـد مثلـك ولا غيـرك يغربلني


بعـد ما بعـت كل النـاس اكـدر خاطري واشريك
وتعـاهـدنـي على حبـل الوصـال ولا تـواصـلـني


تبـي ترحــل وانـا طـفــل رمـاه الله بـيـن يـديـك
علـى حبــل المهـالك يانـظــر عيــنـي تــوردني


تـقـول انــي مســـافر كلـهـا يـومــيـن ثـم اجـيـك
وبـدون اسبــاب تعـلن بعـدها الصـده وتهـجرني


جـزاي اني بعـد حبـك احب امـك واحـب ابـيـك
واحـب اهلـك واحـب ارضك واحبك لو تفارقني


الاخ الشاعر \ خالد العلوي


نص مختصر بتصوير شعري مكتمل

في انتقاء الالفاظ والمفرده وجمال

الموضوع مطلع جداً جميل ومتقن

يعجبني مثل هذا النص العذب الراقي

سلمت وسلمت يمينك مبدع كالعاده

يابا فارس

__________________