اقتباس:
المشاركة الأصلية كتبت بواسطة عبدالرحمن النقريني
بسم الله الرحمن الرحيم
السلام عليكم ورحمة الله وبركاته
احسن الله عزانا وعزاكم في فقد الامه الاسلامية والعربية
واسأل الله العلي العظيم ان يتغمده بواسع رحمته
البارحه دمعي على الخد همال
والدم الاحمر جامدٍ في وريده
من عقب اذاعوا بالخبر عبر الارسال
مات الملك راع الخصال الحميده
ساس الفعول الطيبه طيب الفال
اللي مع اهل الطيب عالي رصيده
راع الكرم والجود في سلم وقتال
الجود طبعه والكرم مدة ايده
له وقفهٍ تصعب على كل رجال
وله هيبةٍ مثل القصور المشيده
وله في سنام المجد بيرق ومنزال
ومحبةٍ فقلوب شعبه فريده
مرحوم ياللي صرت مضرب للامثال
راع الفعول النيره والسديده
افنى حياته كلها فخير الاعمال
كل البشر ياسيدي لك شهيده
نبكي عليك وتبكي اجيال واجيال
وبدموع عيني صغت فيك القصيده
و ختامها يالله يا عالم الحال
ياقاضي الاقدار فيما تريده
تجبر عزانا بالملك طيب الفال
راع الخصال النادره والحميده
وسلامتكم..
اخوكم .. عبدالرحمن النقريني
سلمت وصح لسانك ولا فض فوك