المشاركة الأصلية كتبت بواسطة خالد العلوي

صباح الورد واحلى ورد يقطف من بساتينه
صباح الفل واحلى فل في طهره ونبضاته

صباح فيه كراس الامل يصدح عناوينه
يبوح من الغلا مجمل حروفه في كتاباته

صباح الطيب لا منه نفح باحلى رياحينه
يغذي بيلسان الورد في عطرة بنفحاته

صباح الشعر وبيوته ونبضه مع دواوينه
صباح العشق لا منه نسي عمره ووقفات

اعيشك يازمان العمر في طوره وتكوينه
تمر بخاطري لحظه تسولف عن بداياته

بدولاب العمر برهه تناديني مساجينه
اهيم بعالمي وابحث وافتش في ملفاته

يجوز القى جواب الماضي المدفون بسنينه
واسميها حكاية صبح يسولفلي بنسماته

تفاصيل الزمان وما جرالي في ميادينه
يبادلني حكاية روح حلم يخون يقظاته