لاتقول أن الغلا زاد قلي وش بقي
خذ معاك اللي بقى منه واعلنها وداع

والله انك ما تحصّل مثل قلبي نقي
يشتري لو يفرق السوم واذا باع باع

خذ كلامي لا تكابر وخلك في درقي
لا تطيع اهل الغوايات في درب الضياع

ذاك هو درب الغواية وهذا مرفقي
لو بغيته بين الامواج للرحلة شراع

شوفني ما جف عودي ولاطاح ورقي
حطني على يمينك وخذ وقفة شجاع

تعتزي بي فاللوازم عصاي وبندقي
خنجري يقدرالطعن وذراعي ذراع

وان تشوف اللي تسوي برستيج ورقي
اعتبرني تالي الرزق لأفواه الجياع

طحت من عيني وعافك يراعي وورقي
بعد ما كنت اهتمامي وكان أمرك مطاع

والا انا ما طاح من ساعدي غير عرقي


استاذنا القدير هذه مذهله

كل ما اخترت بيت لنسخه وجدت اللي يليه مثله

فاحترت وش اختار


صح لسانك وبيض الله وجهك


ومنكم نستفيد وانت وامثالك من الشعراء


الكبار