[poem=font=",6,darkred,bold,normal" bkcolor="transparent" bkimage="http://www.solaim.com/vb/mwaextraedit2/backgrounds/12.gif" border="none,4," type=2 line=0 align=center use=ex num="0,black""]

جيتك وانا كلي امل جيتك عطش راوي ظما = جيتك جسم والروح عندك سَو فيها ماتريد

جيتك هجير اشواق والمشتاق ياعذب اللما = ماينعذل عن مايبي لوجت على قطع الوريد

بالارض حُساد البشر والرازق بعال السماء = ماهمني من قال كثر القول عندي مايفيد

امشي على وضح النقا ما اعدي حدود الحما = طال الزمن والا قصر معزتك عندي تزيد

وانا تراني مارميت بهقوتي ربي رما = الله عطاني حسب نياتي وصار الحلم اكيد

لكن من طبعي ولو عِلق لساني بالجما = ما اشرب هماج العِد مشروبي من الجم العتيد

هذا دليل ان الغلا لك وسط خفاقي نما = إخضر واثمر واستوى والان جاء وقت الحصيد

انا وشوقي والقمر صرنا على البعد إلزما = والا النجوم اعدها لاشئ كالنو البعيد

مدي عسل صافي ومد الغير مطعوم الكما = الفرق واضح وانت تدريبه ترى مامن جديد

ان حل فصل الصيف لاتقول ان لاهبه احتما = وان حل بك فصل الشتاء لاتشكي البرد الشديد

خلك مقاوم للظروف وفيك روح الانتماء = للي عطاك اغلى مايملك روح لاراحت شهيد[/poem]

__________________