متواضعه من الجديد تعبّر عن نفسها واتمنى ان تنال قبولكم ورضاكم

غالي وتستاهل بعد كل تقدير
وانا معك دام النوايا شريفه


ما هو بعادي نحرص لفرحة الغير
ونحسّ بأحساس القلوب الرهيفه


نمد يد العون من دون تأخير
كل الأمل نجمع وليف ووليفه


أكيد ندري إن الهوى رحلته غير
يا سعد من جاته على كيف كيفه

هيّا ترى دوب أبتدت ساعة السير
تمشي عقاربها بصوره لطيفه

واحسب حسابك لأنهكتنى المشاوير
نقسم محاصيل التعب بالنصيفه


أهم شيء نجاهد الشر بالخير
لا بانت وجيه الزمان المخيفه

تبقى الأماني خاضعه للمقادير
واللي كتبه الله يجي ونسّتضيفه

غالي وتستاهل على الطيب تقدير
خذني معك دام النوايا شريفه

الاخ الشاعر\ احمد النجاري

نص فيه تصوير شعري رائع

وراقي ابداع وامتاع في هذا

النص شاعر مبدع ومتمكن

صح لسانك وسلم بنانك

__________________