السلام عليكم ورحمة الله وبركاته



http://www.youtube.com/watch?v=ow_dlgum810




هذه القصيده القيتها في احتفالات اهالي الكامل باليوم الوطني ( الاثنين 17 / 11 / 1434 هجري )









الليله الشعر يعزف عذب الالحاني
لجل الوطن عبر الشاعر عن شعورهـ

في محفلن للوطن فيه الفرح باني
والشعر لجله سبحت الليله بحورهـ

عزفت الابيات من تصميم وجداني
قدمتها للمليك الشهم اخو نورهـ

عبدالله اللي بحبه ينطق الساني
رمز الوفا والعطاء في كل معمورهـ

ولي عهده رفيع القدر والشاني
سلمان عونه وفالميقاف له دورهـ

والشعب يفخر بعبدالله وسلماني
ويثور ثورة ولاء ما مثلها ثورهـ

من زود حب الوطن من زود الايماني
ثورة تجدد ولاء للدار وصقورهـ

لك الولاء والغلا ياخير الاوطاني
مشاعرن صادقه ماهي بمجبورهـ

حنا جنود الوطن في كل ميداني
ورايات الاسلام بامر الله منصورهـ

الله يديم الامن ويديم اللاماني
ويديم حكمن كتاب الله دستورهـ

والله يحفظ الوطن من كل عداوني
والله يحفظ المليك الشهم اخو نورهـ

عبدالله اللي بحبه ينطق الساني
رمز الوفا والعطاء في كل معمورهـ




شعر محبكم //
عبدالرحمن محمد ختيم الحجيري السلمي

__________________
حنا الكرم حنا الوفا حنا هل المجد العظيم
حنا سليم اليا ذكرت اسليم مافيها جدال

تاريخنا من ماضي الدنيا من الوقت القديم
واللي مله ماضي مله حاضر على قول المثال

وانا كريمن من نسل شيخن على العليا مقيم
أنا الحجيري والحجيري شامخن مثل الجبال

روح اسأل التاريخ يشهد له وتشهد له سليم
آل الحجيري فالصداره من قديمات الليال


شعر محبكم // عبدالرحمن محمد السلمي