[poem=font="arial,6,black,bold,normal" bkcolor="skyblue" bkimage="" border="solid,2,blue" type=0 line=0 align=center use=ex num="0,black""]
يــا نـاشـد عـنـا يفـيـدك حسـبـنـا=حِـنـا تـرانـا مسـعـر الـحـرب حـنــا
حنـا سليـم اللـي عـريـب نسبـنـا=اهــــل بــيــوت بـالـمـعـزة تـبــنــا
عـز الصديـق وحــرب لـلـي حربـنـا=حريبـنـا فـــي نـومـتـه مـــا تـهـنـا
تخشى شيوخ القوم سطوة غضبنا=تـرغـب صداقتـنـا وتـــدرى زعـلـنـا
حنـا ليـا دارت رحـي الحـرب اجبنـا=بـمـصـقــلات بــالــعــدا يَـبـتـعـنــا
ومـسـلـبــات لـدورتــهــا تـعـبـنــا=صنـع النصـارى مـن بلدهـا تصلنـا
اذا نِقلنـاهـا فــي الاكــوان صـبـنـا=نـشـبـع ذيـــاب للـعـشـا يقنـبـنـا
يـامـا عـلـى قــب الاصـايـل ركبـنـا=وسقنا علـى الـدار المخيفـه ظعنـا
نِـرد حيـاض المـوت مـا قــط هبـنـا=والنصـر مـن ضـاري شـعـار لهلـنـا
كـم فــارس بسيوفـنـا لــه ضربـنـا=ورمــا حـنـا بـدمــاء عـدانــا تـحـنـا
واذا وردنــا الـمـاء لصـفـوه شـربـنـا=وتقصـر حـبـال الــلأش مــا يـاردنـا
واليـا غزانـا الـقـوم منـهـم كسبـنـا=ذود ٍ عـلـى حيرانـهـن يــرز مـنــا
ياطيـبـنـا لـلــي بـطـيـبـه قـربـنــا=ويـا كودنـا للـي يـبـي الـكـود مـنـا
ولـيـا كــذب ولــد الــردى ماكذبـنـا=حــنــا اذا قـلـنــا تــرانـــا فـعـلـنــا
فـي فتـح مكـه للرسـول استجبنـا=فليق مـن الفرسـان محسـوب منـا
وعبـاس بـن مـرداس مقـدم عربـنـا=اذا دعـــا داعـيــه مَــحــد ٍ تــونــا
وفي حنين للرب الكريـم احتسبنـا=حتـى علـى النصـر المؤزرحصلـنـا
وفـي القادسـيـة بالاسـنـة لعبـنـا=خضنـا المعـارك مـع سعـد والمثنـا
يامـا علـى بيـض الصحايـف كتبـنـا=طيـب الثنـا والمـجـد مـعـروف عـنـا
الساس عدنانـي بـه المجـد يبنـى=ماهـي سـوالـف قــوم قـالـو وقلـنـا
حتـى ملـوك الفـرس ذاقـوا عطبـنـا=والـروم تشكـي مــن يديـنـا طعـنـا
خضنـا المعـارك ليـن نلـنـا طلبـنـا=كـيـد الـعـدا عـــن ديـنـنـا مافـتـنـا
من طيب منبتنا ومن حسـن ادبنـا=عـز الخـوي والجـار مــن يــوم كـنـا
مكـرمـيـن الـجــار مـهـمـا طلـبـنـا=يثـنـي عليـنـا كــل مـــا راح عـنــا
ودَنّ النـجـور ام الـقـهـاوي طـربـنـا=ودلال مـمـلـيِّـه بـهـيــل ٍ وبــنَّـــا
والضيـف نفـرح بـه ونبـدي عجبـنـا=ونقـريـه حِـيــل ٍ بالصـيـانـا تـثـنـا
امـجـاد شيـبـنـا علـيـهـا وشـبـنـا=وكـم واحـد قبـلـي بالامـجـاد غـنـا
وكــل بـوجـوده للـعـرب ماشـذبـنـا=صالـوا وجالـوا يــوم وصلـنـا وجلـنـا
علـى العـلـوم الطيـبـة ماحتجبـنـا=كــل بقسـمـة فــاز منـهـم ومـنــا
واليـومـه الـبـاري بفضـلـه وهـبـنـا=امـن وعدالـة جــت عـلـى ماتمـنـا
مــا عــاد لانـهـب ولا احــد نهـبـنـا=والفـضـل بـعــد الله لـقــاده وطـنــا
هـم فخرنـا هـم كنزنـا هـم ذهبنـا=هم بيتنا اللـي فـي ضلالـه سكنـا
حـلـوا مشاكـلـنـا وفـكــوا نشـبـنـا=وسهـروا لراحتـنـا وتحقـيـق املـنـا
عبدالعـزيـز الـلـي بـــدوره جـذبـنـا=مـن ظلمـة فيهـا الجهـل مستكنـا
وحّد علـى حكـم الشريعـة شعبنـا=بالسيـف وحّـد شامـنـا مــع يمـنـا
احسـن لمحسـنـا وطــوّع صعبـنـا=بالله عـلـى كــل الامـــور استـعـنـا

[/poem]