ضوالقمر
ضو القمر في دنيتي يشفي الروح
ويرد لي ذكـــــرى سنيني والاحباب
اسري على ضوه واناجيـــــه وابوح
ابوح له واودعــــه كــــل ماغــــــاب
ناطا بوسط العشب وازهاره تفوح
ما نخاف من حيه ولا قرصة الداب
ليا اشتدت القمــرا نجي فية الدوح
واحيان مجلسنا على راس مرقاب
الليل كله في سواليــــف ومـزوح
ما كذ ورد لا بلاك بيـــري ولا تـــاب
ذيك الســـــــنين ليا تذكرتها انوح
مثل الذي عود من الحرب منصاب
المشكله قلبي من الحب مجروح
حاولت في طـبه ولكـــن ماطــاب
والحين لو شفت القمر ما اقدر اروح
قفلت عن ذيك المــــراويح الابــــواب
التعديل الأخير تم بواسطة عايش خضر الجبرتي ; 11-02-2012 الساعة 03:51 PM
|