بوح من الذات

بسم الله الرحمن الرحيم

إليكم بوحي المكنون وأتمنى أن يثلج صدوركم
وشكرا

\7

[poem=font="Simplified Arabic,6,white,normal,italic" bkcolor="blue" bkimage="../backgrounds/3.gif" border="none,4,gray" type=1 line=1 align=center use=ex num="0,black"]
نويت ترحل روح ربي يجازيك=دام الرحيل بناظرك شي عادي
محد مـنـعــك ولا تكثًر هقاويك=واصل طريقك وإنزل بكل وادي
الود ماضي وإنتهى منك ماضيك=والصد سقته وانت يازين بادي
الغيبه اللي تالي الوقت تمحيك=من خافقي وا غفلتي وإجتهادي
ماشي بوجه الطيب وألقى تجافيك=ياهوه خاف الله رب العبادي
وشلون هان الود هذي تواليك=أرخصت قدري وأنت تعرف مرادي
كنت العزاء والعز واليوم أعزيك=في موت عزك والوفاء والودادي
طبعك شحيح ولاتغرك موانيك=صدرت منها لي عظيم البعادي
فالبعد طول صاحبك كان يبكيك=واليوم هًون وانت خلك تنادي
ذاق الوجع قلبي بعد كان يغليك=كني من أهوال الزمن في إنحيادي
ياشينها لاقالو الناس وشفيك=يصعب علي ألقى جواب وكادي
ياشين طبعك وانت شايف تعاليك=جاهل وقلبك ممتليه السوادي
ماتدري إني ماضي العمر شاريك=ابيع كل الخلق وأشريك غادي
يكفيك عشت بداخلي وقت يكفيك=ياظلي المشموس خاب إعتمادي
ماني بشاكي للعرب مير بشكيك=للواحداللي فرعنا خير هادي
عساك ماتلقى وليف(ن)يداريك=حيث إن جرحك طابع في فوادي
اللي زرعته تحصده يوم يمديك=شي مقدر لك تشوف النكادي
هذا الحديث اللي بقا فيه طاريك=ماعاد لك عندي غلا مات عادي[/poem][/poem]

\7