ضريبة الصراحة

ضريبة الصراحة
قصيدة للأستاذ مقبول مبارك العرابي 30-11-1433هـ
1- لاتعتذر لي ولا تندم وأنا أدري ماش به شي بلاش = من شبتي والصراحة والضريبة صرت ضاري بها
2- وأنته وأنا شيً واحد مايهم السهم من وين طاش = دام الهدف فوق.واصل والسهوم أنا محيي بها
3- ودامك سريع الندب وإن شفت علة مامعك غير كاش = لابد ما أسلم من سْهوم. البعض عليً يرمي بها
4- اللي تدرق سلم واللي نبيه يصح شال الكلاش = وأهل الصراحة بهذا الحال يا ما أكثر مصاويبها
5- لكن مادام زرعك خير وأنت أبيض من أبيض قماش = صوًب على كل علة مانفع بالطيب تطبيبها
6- أعضا الجسد لا اشتكى منها عضو من عضو مابه نقاش = لابد كل(ن)يحس ووقفته فالحال يبدي بها
7- وإن دب سقم بْجسم بالسقم كل الجسم وأعضاه عاش = والحر طب العلل واللاش ما يحزى عواقيبها
8- الحر طود وجمل واللاش سفح ومثل ماقيل لاش = والأرض بجبالها وجمالها ترسي ويا طيبها
9- والحر معدن ذهب واللاش كوم من الغثا والخياش = والمندرق والمجامل والمنافق ما غبى عيبها
10- لكن من راقب الله للغلا والعز والخير حاش = والله يصلح حوال الناس ويكافي مشاهيبها
11- يا قلب خلك كذا وأنا كذا لو زاد غوش الفراش = لابد بكرة حقايقنا فراش البين يدري بها
12- وإن شفت ياقلب راس لْكل خير وطيًب الفعل شاس = حيًه وبشر دياره بالسعد دامه يضوًي بها