رسم اسماء لشاعرنا عبد الخالق السلمي

بسم الله الرحمن الرحيم .



قصيدة ( رسم اسماء )


ترسم في فؤادي (رسم لأسماء) والظلوع أسـوار
محا رسم الرسوم السابقـه واستوطـن بصـدري

ذكرت أيمانها غدوة وصوت الصدر مرجل نـار
بكت عين الوصال وطاحت (إ)دموعه على حجري

وقفت وهدني في رحلة أحزاني وقـوف جـدار
توادعنا تحت ظلـه ثلـم حـد الجـزع صبـري

ياظل الحزن لاتطوي سنيني والزمـن لـو جـار
عبس وجه الغرام بوجه قيـس وحبـه العـذري

تحملـت الهيـام وشلـت وزره والفـراق أوزار
نبي نرتاح في رجوا اللقـاء لـو ظلنـا عمـري

تعال اسمع لحونٍ مـن قصيـدي تتعـب السمـار
شكا منها حمام الراك واتعـب بوحهـا القمـري

تنفس يا صباح الشعر وازفر من حشاي أسـرار
بعد ما عسعس الليل الطويـل ولاح لـي فجـري

يذكرنـي عقالـي لا لبستـه رسـم ذيـك الـدار
روابي قرطبة وقصورها واحتـار فـي عـذري

نزل ركب الهموم وتل من قاع الهجـوس أوتـار
بكا بيض السنين اللي بها سهـم الشـرف مبـري

رعاك الله يـا خيـل(ن) رعاهـا نقعهـا لا ثـار
زمان (إ)ذراع لباس الطيالس مـا لحـق شبـري

غفى طير النصر وابطى مقيضه واشتكى السومار
صحا تاريخ ميلاد العجـم فـي غفـوة الهجـري

ترى ما هو بحق ندق في بـاب الرجـا مسمـار
على حلم الغدوف اللي تعاف وشاحهـا العبـري

تسح الدمع ويقـذ الجهـد مـن صرخـة النـوار
يا قوس النصر نار الموبذان تشب فـي خـدري


أنا حرة لبست من الشمـوخ اليعربـي (إ)خمـار
وأنا اللي تحت ظل المعتصم مـا ينهتـك ستـري
جيوشٍ شرعـت روس الرمـاح تجابـه الفجـار
تطير الروس من فوق الكتوف ليـا بـدا ظفـري
قسم بالله يـا ثـوب الكرامـة لـو يطيـح زرار
مماتي عـز وأكفانـي ستـر و يضمنـي قبـري


سرت بي صرخت الحرة وزادي همت الأحـرار
يناديني جدار أسماء متـى دمـع اللقـاء يجـري

يجيك النصر يا سيف العزيمة لو عليك (إ)غبـار
مدام أنسام نسنـاس الشـرف فصدورنـا تـذري

رياح الحق لا ساقت عزوم(ن) تسـرج الأمهـار
يطيـح الشمعـدان وينطفـي فانوسـه السحـري

أمانه يالقلوب (إ)خذي من لحونـي معـك تذكـار
لحون أبكت حمام الراك واتعب بوحهـا القمـري

====

فديو من تصميمي .

http://www.youtube.com/watch?v=5aC-qNrBKpQ