زوماله بين سليم ومطير في الرياض قوييييه

زومالة أبن شلاّح وربعه الى قبيلة السلمان

المطران:


سلام منّـا ياسليم وفي سلامي عد وأغلط
من بعد ماجتنا عزيمتكم على الفنجال نقلط
وانتم سليم أهل الكرم لايمكن نضّيع و نغلط
مبروك للداعي ومن عين الحسد جعله معاذ


والثانيه يوم العصور الجاهليه والحجج فيها تمغلط
حدي وحدك بينها حد الحسام وحكم مصَلط
واليوم كلن راضي بقسمه يعمّر به ويبلط
يا سليم ماعنكم من المقسوم والواقع ملاذ


والثالثه بنشدك عن شي ثمين ليا شريته ماانت مغلط
تضر به الأمثال لا جاله مجال بكل مقلط
ماله من الألوان غير اثنين وأحيانن تجمّع ثم تخلط
معروف سعره فالطلب والعرض لو الشي لاذ

رد السلمان:

يامرحبا ترحيب بالصح مافيها تمجلط
الله يحييكم على التكريم ماهو بتجحلط
حنا سليم اهل الوفاء مانمشي لتزحلط
الله يبارك لك حبل الوصل مافيه انجذاذ


الثانيه ياجارنا خلك على حدك ويمك لايزحلط
والحق قانون العرب والثوب يستر جلد الاملط
احرص على حالك وخلك منتبه والسم يلعط
حنا جتنا العلوم العامله مثل الفولاذ


والثالثه ان سلتني هذا الذهب والماس داخل مصنعه يصهر ويشلط
الا انه البترول والبترول متنوع ويخلط
واللي يعرف الطيب مايأخذ من الطيب المشخلط
وان كان ماهو سوق الاسهم قلت اللغز شاذ



هذه الزوماله من الشلالحه الى قبيلة السلمان في قصر درّه العروس بالرياض
ليلة الجمعه الموافق 1/6/1429هـ في زواج أبناء عويش بن مشرف السلمي
الجدير بالذكر ان الزوماله مبنيّه على واقفات صعبه ومفردات معدوده حيث تأخروا السلمان في الرد عليها لأكثر من ساعه ونصف وبحضور كل شعراء قبيلة سليم المتواجدين بالحفل وأتى ردهم متواضعاً وأستعانوا بمفردات ووقفات لاتطابق المعنى كثيراً وكذلك اجبار قافيه لاتنطبق مع قافية الزوماله مثل قولهم ( السم يلعط ) ومن المعلوم ان الواقفه على الام والطاء وليس العين والطاء . اتمنى ان تحوز على رضاكم
والجدير بالذكر ان السلمان اصحاب زواميل وخصم وهذا ليس تقليل بحقهم فالشهاده فيهم مجروحه .. اما بالنسبه لحل اللغز فهو الذهب وقد اصابوه في بيتهم الأول ولكنهم وضعوا عدّة خيارات مثل البترول والطيب مع ان الحل واضح فالذهب هو من يضرب به الأمثال في المجالس وله لونين فقط الذهب الأصفر والأبيض وعندما تخلط تسمى اللازوردي وهو ثمين .

منقول عن منتديات الصمان