قصيدة: هرج الخطاء للشاعر كامل الحليلي

السلام عليكم ورحمة الله وبركاته

هذه قصيدة للشاعر / كامل الحليلي
وهي بعنوان : هرج الخطاء






ياللي تشوف الكلام يزيـن منطوقـه

الهرج فن ماكل النـاس تعـرف لـه

كم واحد من سكوته ضاعت حقوقه

وكم واحد لو يسكت يمكن اصرف له

الهـرج لازل حـده تكثـر فتوقـه

وتصير مثل السهوم اللي على غفلـه

اذا مصادر علومـك غيـر موثوقـه

اقفل عليها بصدرك و أحكم القفلـه

احذرعلـوم مـن النقـاد ملحوقـه

تفك بـاب صعيـب يتعبـك قفلـه

خلك نبيه و حكيـم مرتفـع ذوقـه

اليا نطق لـه كـلام ماتحسـف لـه

وخلك وفي للوفـي ويـاك والبوقـه

واللا ردي السوالف لاتضاعـف لـه

ترا الخطا ماربح من طب فـي سوقـه

يكلف الرجل شي مـا تكلـف لـه

والمزح خارج حدود المزح لاتسوقـه

يصير صاحبك يحلف لك وتحلف لـه

الكلمه اللي بوسم اللـوم مطروقـه

ان قلتها حطتك في وضع يوسف لـه

امـا يجـي ردهـا ماينصبـر فوقـه

ولا سفهك الجليس اللي تسولف لـه ..





.................................................. .................................................. .............................

\7

صح لسان كامل

ولسان كاتبها

حكمة واضحة في شعره

رياض الحليلي مشكور على النقل

لاكن سؤال من هو كامل الحليلي

دمت بود

حياك الله يا(( المطنوخ)) كامل الحليلي
شاعر محاوره مبدع وشاعر نظم جزل مبدع بكل ماتعنيه الكلمه

وشكرا,,,

مشكور على النقل الرائع

العفو يـــــــا (محمد)
وابشرو بالجديد ان شاء الله
اخوكم ((رياض الحليلي))

شكرا أخي على النقل

وصح لسان قائلها

ولك مني التقدير والاحترام

الشاعر/كامل الحليلي شاعر متألق نتمنى له التوفيق واكمال المشوار

صح لسان الشاعر وبيض الله وجهك على هذا النقل