ياباغي العليا

ياباغي العليالهاعشرةابنود
سجل وانابمليك واحفظ عددها

من شان مايلحقك عيب ومنقود
احفظ وصاتي والوصاة اعتمدها

اوصيك قبل الجسم يدبيبه الدود
في حفرة لابد تسكن لحدها

دنيا العنا فيها مشاريب وعدود
وكم واحدله حاجة ما وجدها

عليك بالتقوى ترى العمرمحدود
واردع هوى النفس الدنيه وفدها

واحفظ صلاتك تكسب الرزق والفود
تكسب مكاسيب الحياة وسعدها

وصم رمضان وزك بالشامخ الطود
ترى البيوت النايفه من عمدها

وجالس هل التوحيدوالعز والجود
واترك مقاريد العباد وقردها ا

للي على التفريق ياتونك احشود
فصيلة دب الجهل في جسدها

واحسن جوار الجارلوكان مقرود
لوجار نفسك لا تبين نكدها

والضيف عطه الطيب والطيب مردود
اكسب جناب الطيبين وسندها

عقب الشحم والبن قدم له العود
جيتك من اللي من لفاها حمدها

وبنت الردي لوهي دلال وفرهود
حذراك تقربها وتمسك بيدها

خذبنت قرمن عند الاجواد محمود
لاجا نهار الهوننش يبين ولدها

وزلة رفيقك لا لفت دون مقصود
لاتمسك الزله وهو ماقصدها

ثلاث مررها ولاشك بشهود
والرابعه شب الحطب لاوردها

هذي عشروان كان تبغيني ازود
سجل على عشر الوصايا وردها

الظلم شين وتالى الظلم مردود
والغيظ شيطان القلوب وكبدها

والصمت زين والحكي سيف محدود
والحقد غيمه والتباغظ بردها

فكر وميز واعرف البيض والسود
واحذرقلوب الحاسدين وحسدها

ياخوك بين الناس طاردومطرود
ماتجهلك بعض الحرار وهددها

وان ضامتك دنياك واصبحت مضهود
فاطلب من المولى يحلل اعقدها

الواحد اللى كلبونا له اسجود
اللي جميع اعمال خلقه رصدها

هذي نصيحة وانت معطيني اوعود
واهل الوفى والعرف توفي وعدها

قدمتها بالمسك والطيب والعود
زرعتها لك زرع وانت اتحصدها

حميتها من دون ملحن وبارود
خوف عليها المنتقد ينتقدها

ابو فرح

اختيار جميل وذوق اجمل

قصيدة ونصح جميل


الله يعطيك العافية

واعذرني على التنسيق

\7