هيهات يا فرق المخاليـق هيهـات 00 سـوات مـا بيـن الثـرا والثريـا

[frame="7 80"]
ياونـتٍ ونيتهـا عشـر مــرات
من الزمـان اللـي جفانـي جفيـا
طار الكرا من موق عيني ولابـات
فكري مـع الأفـاق و أنـا هنيـا
جميع ما حشته من افكاري اشتـات
رغـم ان فكـري منتخيهـا نخيـا
يا كثر ما مرت علينـا مـن آفـات
شكواي ل. الله مـا لغيـره شكيـا
ياللي زمانك صار خيـر ومسـرات
تـرى المراجـل مـا تهيـا كذيـا
أحذر ترى درب المراجـل مطبـات
خلـك علـى درب المعالـي مهيـا
بقعا لها في كـل الاوقـات صكـات
الله يجيـرك يـا جميـل المحـيـا
ما فات مات وكل من مات لو فـات
كم ابلـج(ن) لـه سيـرةِ سرمديـا
وكم واحد قد مات من ضمن الأموات
ميت وذكره مع هـل الجـود حيـا
وكم واحد ميت وهو حي مـا مـات
حظه عـن دروب المواجيـب عيـا
عايش حياة(ن) دوبها دوب بسكـات
لا نخوة(ن) تذكـر ولا مـن حميـا
ياليت ياليـت المنايـا ليـا جـات
في مثـل هـذا لا بلـى الله تهيـا
ما تأخذ الطيـب زبـون المهمـات
اللي ليـا جـاء واجبـه مـا تفيـا
لا كدر الخاطر ولا هـوب شمـات
ولاشاف ربعه جـوا مساييـر حيـا
ان غاب قلنا من غيابـه سلامـات
وليا حضـر فيـه الثقـه والكفيـا
هيهات يا فرق المخاليـق هيهـات
سـوات مـا بيـن الثـرا والثريـا

منقول[/frame]

عمر السلمي
صح لساتك ابيات رائعة
وتسلم يمينك على النقل

كاتم الاسرار


اسعدني تواجدك الرائع


ولاعدمناك يالغالي

اخوي الغالي ( عمر السلمي )

ما احلى اطلالتك بهذه الرائعه الفريده التي لها عمق في النفس وان كانت منقوله كما اسلفت الا ان الجيد يفرض نفسه الله يعطيك العافيه ونأمل التواصل معنا

الأخ عمر السلمي

بيض الله وجهك على هذا النقل الجميل للقصيده الرائعة


تقبل خالص تقديري وأحترامي

اخوي : راعي الوفا


مشكور علي المرور العطر




والاعندمناك يالذيب

مشكور اخوي ابوشديد علي المرور



وبيض الله وجهك يالغالي