وصية حب

ღ....{وصية حب}....ღ
ياللي طرقت الخفوق تجـدد طعونـك
خل المعذب يـداوي جرحـه الدامـي
ღ
كم لي وأنا دالهٍ في محجـر عيونـك
وأبكي على ما مضى من ماضي أيامي
ღ
من طول هجرك تعافى العظم من دونك
أرجوك لا عاد تزرع فينـي أوهامـي
ღ
خلني أداري جروحي وأتبع ضعونـك
وأعيش في رحلة العشـاق بأحلامـي
ღ
يا عد ياللي ضمـاة العشـق يردونـك
راح العمر وارد وصادر وأنا ظامـي
ღ
عجزت أناجي ضنوني تسمع ظنونـك
لكن خسارة هقـاوي راحـت قسامـي
ღ
لا من سمعت اسم باسمك قلت يدعونك
يفز قلبـي وعينـي دمعهـا جمامـي
ღ
أنبح صوتي وأنـا لبيـك يـا عونـك
ومن كثر ما العي عليك الجفن ما نامي
ღ
ظلمت حـبٍ تهشـم وسـط مكنونـك
لا تظلم الحب أنا ما أرضاك ظلامـي
ღ
مخزون حبك توفـى عنـد مجنونـك
مدفون بين الضلوع وقبـره اهدامـي
ღ
ليتك حضرت لوفاتـه يـوم يدعونـك
كانك تعزي على قبـره مـن العامـي
ღ
رجواي فيـك انتهـت لا لا يردونـك
وشلون يرجع وحبك مـات منظامـي
ღ
وصية الحـب إلـى جاتـك يودونـك
لساحل فراق تبقـى فيـه مـا دامـي
ღ
وهناك تلقـى معـك منهـم يغرونـك
وتموت من حسرتك وتعض الابهامـي
ღ
من خان لأجلك حبيبـي لازم يخونـك
ومن هو حكى لك عليك يصير نمامـي
ღ
هذا المعـذب يـوادع آخـر طعونـك
يشكي إلى الله ظلم وينكـس أعلامـي
ღ

ღتحياتي لكم السلميღ

ما اجمل خاطرة الحب الجميل
ابيات جميله بارك الله فيك واسعد ايامك

شـكــ وبارك الله فيك ـــرا لك ... لك مني أجمل تحية .

مشكورين على المرور

شـكــ وبارك الله فيك ـــرا لك ... لك مني أجمل تحية .