قصيدة العَـــــــود

\7

[poem=font="Simplified Arabic,5,black,bold,normal" bkcolor="burlywood" bkimage="" border="double,4,gray" type=1 line=0 align=center use=ex num="0,black"]
يالله انك ترحم العود المسجّى في ضريحه=وانبت اطياب النفل حول القبر منّا ومنّا

في عزاه الناس تضحك والخواطر مستريحه=لو تهنّا في حياته في مماته ماتهنّا

يوم طاح العود ماهم البشر قوّة مطيحه=واوجوده واوجوده (لو تضنّا ماتضنّا)

الجمل كثرت سكاكينه وياكبر الفضيحة=لو تنكّرنا وقلنا ياجمل منته جملنا

خلفته من عثرته متردّية والا نطيحه=كتبت الرحمن تنفذ لو تمنّا من تمنّا

ضاقت الحيله عليه وضاقت اطراف الفسيحه=يوم شاف الموت يضحك بين (مخلابٍ وسنّا)

مافزع له غير ولد الداب يامقوى فحيحه=صايد الغرة يبي ينهش حشاه الله يمنّا

صاح لعيال الحمايل صيحةٍ من بعد صيحه=صيحته يسمع صداها كنها قرقاع شنّا

غسلّوه وكفّنوه وطيّبوا شيحه وريحه=ودفنوه ولحدو له والمدامع يذرفذنا

اشهد انك ياسعد منهم وهقواتك صحيحه=ماتركت الحبل للغارب وحيلك ماتونّا

شاعرٍ وتميّز الشعّار واصحاب القريحة=تثني القاف الصعيب وكم قافٍ لك تثنا

الغريبة عرّجت للعد وارهت تستبيحه=مالقت حبلٍ على الغارب ونوقٍ يدلفنّا

قلتها ناصح ومستنصح ترى الدين النصيحة=عيت الدنيا تشيلك يالامانة واحتملنا

من سرق ورث المسجّى يالله انك لا تبيحه=اشهد انه ياعيال العود في فعله تجنّا

الجمل هذا جملنا لو غدا مثل الذبيحه=ماتنكّرنا وقلنا هالجمل ماهو جملنا [/poem]

\7

[poem=font="Simplified Arabic,4,orangered,normal,normal" bkcolor="burlywood" bkimage="" border="none,4,gray" type=0 line=0 align=center use=ex num="0,black"]
من سرق ورث المسجّى يالله انك لا تبيحـه=اشهد انه ياعيال العـود فـي فعلـه تجنّـا
الجمل هذا جملنا لـو غـدا مثـل الذبيحـه=ماتنكّرنـا وقلنـا هالجمـل ماهـو جملنـا[/poem]

الله .. الله .. ما أجمل وما أروع هذه القصيدة .
صح لسان قايلها .. ومشكور يا خوي تركي العميشي على نقلها وإبرازها .
وهذا يدل على حسن وجمال إنتقائك وإختيارك لما يستحق بالفعل الظهور .
فا والله إنني قد إستمتعت بها كثيراً .. وخاصة حينما ( شلتها ) . هكذا الشعر وإلا فلا .
لا تحرمنا من مثل هذه الروائع ..

تقبل مـــروري ..

اخوي تركي بيض الله وجهك على النقل الممتع

والشاعر عبدالخالق دائما تلامس في قصائده جرس يؤقض القلوب

صح لسانه مليون وننتظر المزيد من ابداعاته في جميع اغراض الشعر

شكرا للجميع ولاخلا ولاعدم

جميل جدا
والله اختيار موفق
تحياتي لك
ولك مني خالص الشوق والمنى
اختك بنت العزيز

صح لسان قائلها وسلمت يمين الناقل