#1
|
|||
|
|||
وصية الشاعر غنيم غنام السبمي لابنه
بسم الله الرحمن الرحيم يالله يالي كل ملجى بساميك =انت ولي أمري وعالم خفايه سجيت بالدنيا زمن فات بهليك = وأخذت فيها وقت اتابع هوايه واليوم مستغفر وراجع وراجيك =يالله براحت خير بعد عنايه ذنبي كثير وملتجي عند بيديك =يالله يالخلاق تقبل دعايه القلب تايبلك وعيني تراعيك = وتستغفر الخلاق حتى عضايه ويسبح اللساني بحمدك ويدعيك =وانته تحب العفو عفوك رضايه ياغانم ابوصيك من شحتي فيك =لنكان ولينك تضم الوصايه افهم كلامي ياعسى الرب يهديك =وانا عن الدنياء مقصب رشايه الاوله دينك رضى عهد واليك =تاخذ شهادتها نهار النهايه والثانيه برك بوالديك يحميك =ويحطلك في وجه ربك عنايه والثالثه مالك عن الناس يغنيك =والمال بيدين الرشيدين غايه انا جاك سائل لاحقه حال يرجيك =احسن عليه الله يزيدك هدايه والرابعه ربعك لاحفن يدفيك =ورجلا (ن) بلاربعه ماعنده كفايه ربعك حماتك من عدون يعاديك =نهار راع الفكر يمشى برايه والخامسه جارك بره نوصيك =والجار له في بر مالك رفايه الجار له ماجوب ماهو بغاويك =كمل مواجيبه يغاية منايه والسادسه ضيفك اذا كان نا صيك =سهله الترحيب عند البدايه قدمله الماجوب ماهو بعاضيك =والضيف رداد الخبر والروايه والسابعه ماكل هراج يعنيك =وحرص من النمام رمث الحكايه جاك وهرج عندك وراح وهرج فيك =ويحط من بنك النمايم بنايه والثامنه وزنت ضميرك تكفيك =ومجالس الشجعان بحسن هوايه سبل الشجاعه ماينقص معانيك =لنكان تفهم كلمتي ومعنايه والتاسعه منته بطفلا(ن) نربيك =ولا ضعيف مقابلن لرعايه متكملا(ن) عقلك وفكرك مقديك =واخذ من التعليم دورت كفايه والعاشره تمت على ذكر واليك =ومحمد المذكور صافي البرايه |
#2
|
|||
|
|||
رد: وصية الشاعر غنيم غنام السبمي لابنه
صح لسانك يابو غنيم لاعدمتك
يعطيك العافيه يالقنبي |
تعليمات المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
الابتسامات متاحة
كود [IMG] متاحة
كود HTML معطلة
|
|