سور الجامعه..

#1 03-08-2010, 09:31 PM

[b]

بسم الله الرحمن الرحيم
السلام عليكم ورحمة الله وبركاته

أترككم مع اول مشاركاتي وأتمنى أن تحوز على أعجابكم ..

هذه القصيده كتبتها بعد فاجعة جده ..وسقوط سور الجامعه

[poem=font=",6,,normal,normal" bkcolor="transparent" bkimage="" border="double,4,black" type=0 line=0 align=center use=ex num="0,black""]
ياسور كم واحد وثق فيك ياسور =

بعد غزاك السيل وارتد حده=

يحمل حديد وناس طالب ودكتور =

وعروس كانت للفرح مستعده =

وقفت له ساعة مجمل ومشكور =

والسيل محد(ن) عن طريقه يرده=

من بعدها طحت وتهاويت مقهور =

لا شك ما تملك عتاد وعده=

كم واحداً تحت ثرى الارض مطمور =

وكم واحداً جاك وتشبث بيده=

احد نجا بعد تزبنك مسرور =

واحد توسد من جدارك مخده=

ان طحت طاحت قبلك احواش وقصور =

لها على ما أظن في الحي مده=

ياسور وادي قوس بالحيل مشهور =

أزعل على اللي شيدك في مهده=

والسيل بأمر الله مقدر ومأمور =

لو الجبل ينصا طريقه يهده =

وكل من حاول يساعدك معذور =

ومعاوضه بالخير يا شرق جده=[/poem]

\7

#2 03-08-2010, 11:42 PM

الاخ/ عبدالله العطافي

قصيده جميله ذات معنا واضح

ابعد الله عنا الكوارث وعن الجميع

صياغه جميله للقصيده ابو عادل

بالتوفيق ونريد الجديد

#3 03-09-2010, 07:30 AM

ابو عادل

صح لسانك مليااااااااااار

ياسور وادي قوس بالحيـل مشهـور
أزعل على اللي شيـدك فـي مهـده

أعجبتني القصيدة وخاصه هذا البيت والذي
يعتبر خلاصة الموضوع

بيض الله وجهك وننتظر الجديد

ولك تحياتي

#4 03-09-2010, 12:34 PM

" عبدالله العطافي "

صح لسانك لين ترضى وبيض الله وجهك

قصيده معبره عن ما كتبت فيه بإبداع

والله يبعد عن المسلمين كل مكروه

تقبل مروري المتواضع

#5 03-09-2010, 05:51 PM

/

/

صح لسانك يا ابو عادل

ابيات جميلة جسدت بها معناه الكثيرين ... وكأنك تتحدث بألسنت الضحايا ...

محاكاه رائعة ولا شك بانك الأروع والأجمل ..

صح لسانك مداد كلماتك ... وفالك التوفيق .