عندما تهيض قريحة البدوية

هذي القصيدة
لااعرف بالضبط
من صاحبتها
ولكن اعجبتني واحببت
ان اقدمها لكم

= = = = = = =

لاخير بانسان رمى ثوب ماضيـه

وبالتاليه يسعى لطمـس الهويّّـه

للشمس نور يحسب إنّه يغطيّـه

ما يدري كفوفـه بنـوره خفّيّـه

وأنا فدا الماضي ليا حل طاريـه

أنسى الحياة المترفـه والشقّيّـه

طبع البداوه عشقي وميّتـه فيـه

وكلّي فخر لاقالـوا إنّـي بدويّـه

إيه ابدويّه آخذ الخيـر وأعطيـه

وأبادل المعطي جزيـل العطيّـه

إيه ابدويّه وأزرع الطيب وأجنيه

الطيب زرعي ما زرعت الرديّـه

إيه ابدويّه لو تزيـد المشاريـه

ببقى على عهـد البـداوه وفيّّـه

ماألاحق الموضه بسوق المسافيه

اللي لهن كل يوم روحـه وجيّـه

الله سترني ، ثوبهم ذاك ماابيـه

لاصار تطريزه بسلـك الخطيّـه

ماني من اللي أثبت العكس وأنفيه

وبيني وبين العيب حوض المنيّه

ومانيب دلّوعه ولا قلت : (أمبيه)

ولالي على كثر الدلـع مقدريّـه

رزينه وثقلي على الخـفّ أبديّـه

دام الثقـل زينـه لعقـل البنيّـه

كرامتي نجم سطـع فـي لياليـه

ولاذلّني مخلوق ما دمـت حيّـه

لنفسي عليّه دين لاشـك أبوفيـه

ولا دفعت لمقتـل الخـوف ديّـه

وأقول للي جهل الأيـام معميـه

مولوده ، وعشت ، وبموت ابدويّه

منقول 00مع التحيه

مشكووووووووووور جداً على القصيدة الرائعة

ونتظر جديك

مع تحيات / علي الزعبي

\7

يعطيك العافية عالنقل الرائع