الجزيرة (نص شعري)

#1 09-23-2011, 03:38 AM

نص شعري بهذه المناسبة من القديم الذي يتجدد باليوم الوطني وبكم
أرجو أن يرتقي إلى ذائقتكم

[poem=font=",6,white,bold,italic" bkcolor="green" bkimage="" border="inset,4,white" type=1 line=0 align=center use=ex num="0,black""]
الحمد للي بدل الجهل بالنور = أرسل زعيم ولم شمل الجزيرة

الفارس اللي حطم الظلم والزور = بالسيف تخشاه النفوس الشريرة

عبد العزيز بعزة الدين منصور = دستوره القرآن والله نصيرة

أقبل من كويت المعزة على الكور = سيفه صقيل ودولته في ضميره

وبأسً شديد يزلزل الطويق والطور = وعزم السحاب مسيلً كل ديره

وخوّة رجال وحنكة الرأي والشور = وشجاعة الفرسان وقت الحشيره

وألف مابين الناس منهي ومأمور = خلى العشاير تحت ظلة عشيرة

من بعد ما كانت متاهات وعسور = فيها الثعل والبوم يسمع صفيره

ما فيه معروفً ولا فيه منكور = ولا فيه بين الناس رحمة وغيرة

فيها الضعيف يعيش بالذل مقهور = يشوف نجم الليل عزّ الظهيرة

واليوم ساد الأمن والبيت معمور = وتبدلت سود ألليال العسيرة

اللي يطوف البيت ويحج ويزور = المملكة من كل بأسً تجيره

ويالله عساه بجنة الوِلد والحور = المسك طيبة والأرائك حصيرة

ولا مات من عقب شياهين وصقور = حكام في نهجه تقود المسيرة

هذا أبـو متعب تجـمّــل ومشكــور = شعبه على نهج الشريعة يديره

يرسم على شفانا تباشير وسرور = ويبشّر بعيش الحياة الوفيرة

وسر يا مليك وبيرق العز منشور = قود السفينة بالبحور الغزيرة

وحنا معك وأمرك ينفّذ على الفور = وحنا رماحك في صدور المغيرة[/poem]

#2 09-23-2011, 05:53 AM

الله الله عليك يا خالد الشعر

تهنئه رائعه صافحت بها وطنك في يوم عيده ..

نسأل الله ان يرزقني ويرزقك الأخلاص ..

صح لساانك مليون

وكل عام وانت ووطني بخير

#3 09-23-2011, 09:57 AM

صح الله لسآنك شاعرنا ...
وبيض الله وجهك ع هذه الدره الرائعه
وادام الله عز وطننا الغالي
كلمات رائعة عن وطن العطاء
والوطن يستحق اكثر واكثر
:

دمت شامخا ومعطأآ ...

#4 09-23-2011, 10:17 AM

ابو فارس

نص وطني رائع شعور جميل من اجل الوطن

شاعر نفاخر به وبمعرفتة وبشعره

بيض الله وجهك على هذا الابداع الغير مستغرب

والذي نحن متعودين عليه بارك الله فيك

ولا عدمناااك
وتقبل مروري المتواضع

#5 09-23-2011, 11:12 AM

ابو فارس.. . فارس.. الشعر .. والمشاعر .. الوطنيىة
مديرنا العام .. دم .. سعودي.. الخير
مرتقي.. في.. جمال .. الفاتنه ..
التي اسعدتنا .. منذو ولادتها .. الى .. بزوغ... الخيرات..فيها
وكلنا .. بصوت .. واحد .
. دام .. عز ك ياوطن ..

#6 09-23-2011, 02:03 PM

الاخ الشاعر \ خالد العلوي

صح لسانك على هذه القصيده الجزله

والوطن وقادته يستاهلون ان تقال فيهم

القصائد سلمت شاعر وسلم منطوقك

#7 09-23-2011, 04:21 PM

\7

#8 09-24-2011, 10:11 PM

أخي الغالي المدير العام / أبو فارس

الوطن غالي ويستاهل الغالي

نسأل الله أن يحفظ لنا حكامنا ويحفظ لنا بلادنا ويديم علينا أمننا

صح لسانك وسلم بنانك والطيب والتميز والتألق والإبداع طبعك وعنوانك .

كتبت وأبدعت من أجل الوطن الغالي بإحتراف راقي فلله درك وفالك التوفيق دائماً .

نسأل الله أن يرزقنا وإياكم الإخلاص في القول والعمل . فالك الفردوس الأعلى .

وأسأل الله أن يحفظ لك فارس . وبصراحة التوقيع يرجح بكل المشاركات . ماشاء الله

دمت بكل الحب أخاً وصديقاً مبدعاً ومتميزاً ومتألقاً في حفظ الرحمن

#9 09-25-2011, 12:17 AM

\7

#10 09-25-2011, 12:57 AM

مميز دائماَ
صح لسانك .. فالك الجنة ..
هكذا عهدناك يا ملك النبض
الوطن يحرك شجون الشعراء لله درك يا وطني

تسجيل دخول