مافات مكتوب

مافات مكتوب
قصيدة للأستاذ مقبول مبارك العرابي 4-7-1433هـ
1- ياهاتفي سجل جوابي ووده = لأبو محمد عايض وهات رده
2- تلقاه مثل طويق في وسط جدة = راسي وشامخ واعطه الرمز يقراه
3- قل له يقول اللي بوقته تعنى = ولا جات هقواته على ماتمنى
4- انغر بلبوسن وضحكات سنا = وإثْر البعض مازال بالليل ممشاه
5- يوم الحرار تْهد والشمس حية = وتنقى السمينة ماسعت للردية
6- وبفعلها ترقى الدراج العلية = راع الردى والزيف ممشاه رداه
7- الله ياكم في طيورن هقينا = وياكم لتعزيز المباني سعينا
8- وياكم بعد طيب النوايا قفينا = ماكل طير لطيب الفعل تنخاه
9- في كل يوم اشوف ماكان غابي = وآون وأطلب من إلهي ثوابي
10- واكثر على صدقي ونفسي عتابي = يوم البعض يستغفل الحر بعلاه
11- مايدري إن الحر لوطال حومه = وحاول في العليا يحقق لزومه
12- ماغرته حربا وحصني وبومة = وإن غض كله لأجل غيث ايترجاه
13- وده بغيث يعم كل البرايا = والزرع يصلح من صلاح النوايا
14- وإن شاف حرن حر زاد التحايا = ماصادمه واغتاض والا تقفاه
15- من لا براع العز يعتز ماعز = ولا به جبل من ريح وغبار يهتز
16- ومن بالحكي والزيف والطبل يرتز = عزي لحاله خاب ظنه ومسعاه
17- ياسامعي دنياك فيها الزراعة = وياسرع ماكلن نفوق بوداعه
18- لكن بعد ساعات وين المناعة = كم واحدن عود له النوم واعماه
19- لكن بكرة كل مافات مكتوب = والقبر فيه الفال والكاس مصبوب
20- كلن حسب زرعه له حساب محسوب = وعزي لغرن باع دينه ودنياه