قصيدة في الامير سلطان بن عبدالعزيز

يا سيدي سلطان لو نشيل ما شـال البعير.......انت الذي لا ثقلت حمـول الزمـن شليتهـا
تارد بنا عد الروى وتذود في اليوم العسيـر.......لانك ولد من جمـع الدولـة وشيـد بيتهـا
عبدالعزيز اللي كسر عظم وجبر عظم الكسير......وأحيى بسيفه حيها ودفن على أرضه ميتهـا
مسرج ظهور الخيل للميقاف في اليوم الكبير....الساعة اللي من حضرها مانسـى توقيتهـا
دعيتني من باب خيرة وانفتح لي باب خيـر.....الدعوة اللي مـن شراييـن الولـى لبيتهـا
ياسيدي يابن الملك واخو الملك وانت الامير.....اللي ليا انعقـدت احبـال المشكلـه حليتهـا
مدات جودك والله المعطي يجودبهـا الفقيـر......وعطا يمينك يخجـل المعطـى ليـا مديتهـا
غيث يحدر وادي الرمة على وادي الجريـر.......حتى الغصون تميل من غيثـك ليـا عليتهـا
وانا على شاطئ بحر ماني على ضفة غديـر......واليا الفخر بأغلى قصيدة فيـك لا عديتهـا
سعيت في دنياي وارضيت الكبير مع الصغير......وسقت القدم على دروب المرجلة واحفيتهـا
وصيرت شيءٍ في حياتي كنت اظن انه يصير......الركعة اللي نـاوي(ن) فيهـا ولا صليتهـا
لكن على الله مابعد عسر العسير إلا اليسيـر......عزاي في بعـض القصائـد كـل ماغنيتهـا
دعيتني من باب خيرة وانفتح لي باب خيـر......وانا من عـروق المحبـة والولـى لبيتهـا


الشاعر/محمد مريبد العازمي