من هو غرس هالحقد وسط فؤاده

السلام عليكم ورحمة الله

اتمنى ان تروق لذائقتكم ولو قليلا

ماهاز بحــرن دبكت الــــــــــــرداده

عجزان يــــمشي خطوتن من خوفه


خطرن عليـــك البحر وخطرّ إعناده

يلقف حمـــولك غدر مابــــــه روفه


محدن يغــوص البحر غيــــر رواده

حتى المنــاخ ينقاس حسب إظروفه


وانا بحوري غير بحور الـســــــاده

مثلي تعدّه فوق رجم إتـشـــــــــــوفه


و( الصبر ) أول بحر غـصـتْ إبلاده

أعـوم فيـنـي بحـث عـنه إبـجـــــوفه


والحلم يا صبري وكما المعــــــــتاده

إن زاد كـُـمْ الهم وهـدّ إكتــــــــــــوفه


وأما في بحر ( الحب ) لي عــــــياده

طـَبيب قلوبً والجروح مــــــــعـروفه


صمام قلبك ولا فـتـقّ أكــــــــــــــباده

والسبــّـه اللي تحبه خان إحـــــــلوفه


كل الوثايق والــــــــــعهود وش فاده

غيرالندم , والدمع , وذكرى إحروفه


وشـّـم في قلبي هالحروف سـَـــــعاده

ذكرا بصدرن عشتها بطــــــــــــيوفه


غزلا صنوّه والوبار إحــــــــــــــداده

يجرح بموقع صعب إنا نـــــــــطوفه


ألام تسري في عـــــــــروق إشـــداده

جاوب جاوبً شيء يرّبْ غـــضروفه


أنا وفيــت والله وصـــــــرت إقـــلاده

علقـتـني بالجـيـّد ومــزهــي وصـوفه


ســؤالـي لـيه ياليـه وليـــــه أحـقـاده

مخــزون قــلبك فـجـّـره مــكـــــنـوفه


من هو غرسْ هالحـقـد وسـطْ فــؤاده

ماكنت تجرح صرت تغـِـيـّر بسـيـوفه


ياهـــيه مشهـد عــرض ثــُلـث أبـعاده

مات البـطـل بالـفلم وشبع إحــسـوفه


ضحى وضحى لين ضـــاع بــجـهاده

أضحى قتيل الحب وضاع مـعـروفه


أسقيـتـني من سمّ عسل يااســــتاده

واللي يذوق أكيد مصيـر مــخــلوفه


أنـتي عـباره عن شــــــــرور وإباده

أنـتي مديـــــنـه ذاويات إكــــهــــوفه


الكـل هـاجـر راح مـاغـيـر سـَـــواده

ركام حطام ,, والشمس به مكسوفه


ماتـت ثـياب الورد وشمــس عـبـّـاده

والصدر أصبح فيه سموم مكـشـوفه


صـدرك مــديـنـه بــس مـحـد يـرتاده

حــتـى الـطــفـل حـصـل بدّلك أولوفه

وسلامتكم ,,,


بقلمي ... فيصل السُلمي