صمتي المسجون!!!

تخيّلني ورق صافي وفوقي رزمة الأقلام
تعال انثر هواجيسك على صدر الورق بالهون


تعلم واسكب الحبر وتجرّا واطرد الاوهام
وعوّد حالك انك تنطلق واللي يكون يكون


انا قبلك صبرت وخاطري من واقعي ينضام
وقلت ان السكون اولى ، وانا اللي بالعنا مسكون


بقى خطوة بسيطة وانجرف في سجن الاستسلام
بلحظة ياس!فاجأني الأمل وتبعثر المكنون


صرخت وصرختي كانت دوا يقضي على الآلام
وقفت ووقفتي سيفٍ بريقه يفرح المغبون


رجع حالي مهو حالي صحا من قسوة الايام
عدّل شي قد مال وتحرر صوتي المسجون


نثرت احلى الحروف اللي يرتّبها الهوى بانغام
تداعب مسمعي وتعاتبه وتعالج المطعون


فتح قلبي شبابيك الغرام وجمّع الاحلام
ونادى :يالأمل شكرًا معك ماعادني محزون


تعنّينا بما فيه الكفاية والسّعَد قدام
بننسى ما هجرنا من حزن ونعيش في هالكون

هشام بن بريك

[type=320244]صح لسانك
رائعه رائعه
بيض الله وجهك[/type]

\7

صح لسانك وسلم بنانك

قصيدة رائعة لقد ابدعت وامتعت قلم قادم بقوة

استمر الله يعطيك العافية

تقديري وتقديري

أبو فررح

صح بدنك الله يخليك

مرورك عطر

شكرًا لك

استاذي عبدالله

صح بدنك الرائع تواجدك

والأروع إرشاداتك

شكرًا لك

لقد اجبرتني على التواجد .. حس شاعري قل أن تجده ..
اردت ان اقتبس عدد من الابيات فتوقفت
كل بيت يستحق ان يكون هو الاجمل ..

لله درك يا ابن بريك
شاعر متمكن
نتطلع ان تكون في احد القنوات في القريب العاجل ..

ننتظر تواجدك قريبا

نص شاعر يستحق القراءه اكثر من مره

مبدع ومفردات جميلة وقافية اجمل

تحياتي وتقديري

أستاذي ومعلمي ناير

انتظرت مرورك من هنا

لأقرأ هذه الكلمات التي ما تزيدني إلا حماسًا

ورغبةً في إظهار المزيد

شكرًا لك على كل شيء

صمت الملاك

سلمت على الإطلالة الرائعة

أتمنى أن تنال نصوصي دائما إعجابك

الاخ \ هشام بريك


صح لسانك على هذا النص

الجميل في جميع تفاصيله

لفظ ومفرده وسبك وحبك

سلمت وسلم منطوقك