#1
|
||||
|
||||
ملحمة بني سليم
هذه قصيدة للشاعر / عوض بن نامي الحجيري وفيها يفتخر بقبيلته بني سليم, ويذكر بعض أمجادهم وما ضي أفعالهم,وقد شارك بها الشاعر في أحد برامج البادية في التلفاز والإذاعة:
\7
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] يا ناشد عنـا يفيـدك حسبنـا=حِنا ترانا مِسعَـر الحـرب حنـا حنا سليم اللي عريب نسبنـا=أهـل بيـوت بالمعـزة تبنـا عز الصديق وحرب للي حربنـا=حريبنـا فـي نومتـه ما تهـنـا تخشى شيوخ القوم سطوة غضبنا=ترغب صداقتنا وتدرى زعلنا حنا ليا دارت رحى الحرب أجبنا=بمصقـلات بالعـدا يَبْتعِـنـا ومسلبات لدورتها تعبنا=صنع النصارى من بلدها تصلنا إذا نِقلناهـا في الأكـوان صبـنـا=نشبع ذيـاب للعشـا يقنبنـا ياما على قب الأصايـل ركبنـا=وسقنا على الدار المخيفة ظعنا نِرْد حياض الموت ما قـط هِبْنـا=والنصر من ضاري شعار لهلنا كم فارس بسيوفنا له ضربنـا=ورماحنـا بدمـاء عدانـا تحنـا وإذا وردنا الماء لصفـوه شربنـا=وتقصر حبال الـلاش ما ياردنـا واليا غزانا القوم منهم كسبنا=ذودٍ على حيرانهن يرزمنا يا طيبنـا للـي بطيبـه قربـنـا=ويا كودنا للي يبـي الكـود منـا وليا كذب ولد الـردي ما كذبنـا=حنـا إذا قلنـا ترانـا فعلـنـا في فتح مكة للرسـول استجبنـا=فيلق من الفرسان محسوب منـا عباس بن مرداس مقدم عربنـا=إذا دعا داعيـه مَحْـدٍ تونـا في حنين للرب الكريم استجبنـا=حتى على النصر المؤزر حصلنا وفي القادسيـة بالأسنـة لعبـنـا=خضنا المعارك مع سعد والمثنـا ياما على بيض الصحايف كتبنـا=طيب الثنا والمجْد معروف عنـا الساس عدناني به المجـد يبنـى=ما هي سوالف قوم قالـوا وقلنـا حتى ملوك الفرس ذاقوا عطبنـا=والروم تشكي من يدينـا طعنـا خضنا المعارك لين نلنـا طلبنـا=كيد العـدا عـن ديننـا ما فتنـا من طيب منبتنا ومن حسن أدبنا=عِز الخوي والجار من يوم كنا مكرميـن الجـار مهمـا طلبنـا=يثني علينـا كـل مـا راح عنـا ودَن النجور أم القهاوي طربنـا=ودلال مَمْليـه بهيـلٍ وبـنـا والضيف نفرح به ونبدي عجبنـا=ونقريه حِيلٍ بالصيانا تثنـا أمجـاد شبينـا عليهـا وشبنـا=وكم واحد قبلي بالأمجاد غنـا وكل بجوده للعـرب ما شذبنـا=صالوا وجالوا يوم صلنا وجلنـا عن العلـوم الطيبـة ما حتجبنـا=كل بقسمه فاز منهـم ومنـا واليـومه الباري بفضلـه وهبنـا=أمن وعدالة جت علـى ما تمنـا ما عاد لا نهب ولا أحـد نهبنـا=والفضل بعـد الله لقـادة وطنـا هم فخرنا هم كنزنا هـم ذهبنـا=هم بيتنا اللي في ظلالـه سكنـا حلـوا مشاكلنـا وفكـوا نشبنـا=وسهروا لراحتنا وتحقيق أملنـا عبد العزيز اللي بـدوره جذبنـا=من ضلمة فيها الجهل مستكنا وحد على حكم الشريعة شعبنـا=بالسيف وحد شامنا مع يمنا أحسن لمحسنا وطوع صعبنا= وصارت عصانا واحدة واكتملنـا تحت شعار الدين ما أحد غلبنـا=بالله على كـل الأمـور استعنـا[/poem]
\7
|
#2
|
||||
|
||||
رد: ملحمة بني سليم
\7
|
#3
|
|||
|
|||
رد: ملحمة بني سليم
الفاضل عبدالله المغيضي
السلام عليكم ورحمة الله وبركاته صح لسان الشاعر / عوض بن نامي الحجيري وبيض الله وجهه وجهك بياضً يشيع ويظهر مع كل ريعً على نقل الملحمه السلميه التي تستحق مسمى ملحمه عن لسان الشاعر نفسه بدون تحريف فلك كل الشكر والتقدير |
#4
|
||||
|
||||
رد: ملحمة بني سليم
\7
|
#5
|
||||
|
||||
رد: ملحمة بني سليم
مشكووور على النقل
قصيده جزله من الشاعر عوض السلمي |
#6
|
||||
|
||||
رد: ملحمة بني سليم
سلمت ولاهنت يا عبدالله
قصيده ثمينه وجزله وشاعرها شاعر كبير وعلم الا وهو الشاعر / عوض بن نامي الحجيري صح لسانه وسلمت على نقلك لهذه القصيده الغاليه علينا جميعاً دمتوا على العز
__________________
. لجميع رواد المنتدى الكرام ( كل عام وأنتم بخير ) . ..
|
#7
|
|||
|
|||
رد: ملحمة بني سليم
اخي عبد الله المغيضي
تسلم يمينك على نقل القصيده الشاعر عوض بن نامي الحجيري من الشعراء المميزين ممها تكلمت لن افيه حقه صح لسان الشاعر الكبير والمخضرم
__________________
|
#8
|
|||
|
|||
رد: ملحمة بني سليم
مشكور اخي الفاضل عبد الله على القصيدة الرائعة من الشاعر الرائع : عوض بن نامي
تقبل تحياتي |
#9
|
||||
|
||||
رد: ملحمة بني سليم
بيض الله وجهك أخوي عبدالله على نقل القصيدة
وصح لسان الشاعر / عوض بن نامي قصيدة جزلــه وبيض الله وجهه والله يطول في عمرهـ ـ ـ ـ دمت بود |
#10
|
||||
|
||||
رد: ملحمة بني سليم
قصيدة رائعة وجزلة المعاني ويكفي أنها من شاعر كبير بحجم عوض بن نامي
شكرا اخوي عبدالله وننتظر المزيد من الاعضاء |
تعليمات المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
الابتسامات متاحة
كود [IMG] متاحة
كود HTML معطلة
|
|