المغاتير

المغاتير


يا صاحبي درج علي المغـاتير
اللي لهن قلبي شغوف ٍ ونزاع



في وجهها مرسوم كل التعابير
ما كنــها إلا لوحة ٍ كلها إبداع

يا زينهن وقيف و الا مســـــايير

حولي مرابضهن وفي دار مرباع

هذي حياة ما تعرض لهـــــــا كثيـــر

طب السقيم اللي شكا كل الأوجاع

أنسابها الدنيا و فأحلامي أطير

ما كني الا حاكم ٍ وامره مطاع

وارتاح من دنياي دنيا المغايير

اللي تغير حالها حسب الأوضاع

مثل العجوز مزخرفة بالتصاوير

ما هي صبية لكن الشكل خداع

تزيغ العيون و للبصاير تخادير

حتى تجيها منت خايف ومرتاع

ترمي لنا طعم ٍ و نأتي مداوير

نبحث عنه كـــنا لهطعم جياع

وحبالها تنسج علـــــــينا دواويــــر

قليل من ينجوا و يا كثر من ضاع

واللي نجا من يوم شاف الطوابير

من حولها تطلب شراها لها باع

وفقه خلاقه لحــــــــسن التـدابير

ولا الشقي مهما ارتفع طاح بالقاع

هذي حياة ما تعرض لها كثير ......... طب السقيم اللي شكا كل الأوجاع

الشاعـر القديــر.. محمد إبن رجا الله


صـــح لــسـانــك يـالــغـــالــــي


بيض الله وجهك على الابيات


وتقبل خالص إعجابي..

أبو سعّيد

في وجهها مرسوم كل التعابير ......... ما كنها إلا لوحة ٍ كلها إبداع
يا زينهن وقيف و الا مسايير ......... حولي مرابضهن وفي دار مرباع

شاعرنا محمد رجا الله

صح السانك وبيض الله وجهك قصيدة أعجبتني في مبناها ومعناها

دمت وسلمت

تقبل تحياتي

الاخ العضو / محمد رجا الله الخضيري

صح لسانك قصيده جميله في الابل

التي جميعنا نحبها ونعشقها سلمت

على ذلك ونطلب منك الجديد والمزيد

ايها الاحبة الاعزاء الاخوان
عبد الرحمن و خالد و حمدان
تقبلوا منى فائق الشكر وتقدير على مروركم
واتمنى ان ينال ماقدمته علي رضاكم وستحسانكم