زومالة هذيل الشهيرة لبني سليم

#1 11-10-2008, 05:14 AM

اولاً أسجل تقديري وتحياتي للقائمين على هذا الملتقى الرائع
ثانياً اود ان أشارك بمشاركة بسيطة وهي الحداية (الزومالة) الشهيرة لهذيل ورد سليم وان كنت اتمنى من أحد الأعضاء أن ياتي بتسجيل صوتي لها
الزومالة كانت بتاريخ 30/3/1425هـ في حفل زفاف الشاب سمير بن عبدالعالي الخضيري في جدة وكنت ممن حضروا تلك الاحتفالية الكبيرة...وبالمناسبة العريس صديقي وهو الان في الخارج لاكمال دراساته العليا نتمنى له التوفيق هو وبقية شباب القبيلة المبتعثين للخارج.

هذيل (قرابة سبعين شخص بقيادة فهد بن سالم المعطاني شيخ شمل هذيل "ابو راكان" ):

سلام والقلب انشرح والارض بالفرحه وسيعه

في واجب اللي واجبه نشري غلاه ولانبيعه

ابطى علينا نوصل السلمان والخطوه سريعه

بقيادت اللي صف ربعه للزوم وطاوعوه

حنا هذيل وشيخنا معروف وان نادى نطيعه

معروف ابوراكان يوم اقبل على الحر الطليعه

غصبن عنتله واعتلاها والخبر كلاً يذيعه

يوفي الرجال حقوقها ويكرم اللي كرموه

ونتم سليم حزامنا يوم المواقيف الشجيعه

من هم ولأ تم يقطع نايب الشر القطيعه

وصية وصابها اللي بين احكام الشريعه

محمد المختار يا ويل العصاه اللي عصوه

والرابعه وشهو ولد في وادياً دايم ربيعه

ومجاوره بنتً تسكن به تقول انها رضيعه

الله خلقهم في منازلهم على حسن الطبيعه

متجاورين ولا يموت الورع لين يموت ابوه

الرد كما توقع شعراء هذيل كان قوي..ونجح أكثر من خمسة شعراء سليم في حل (اللغز) يحضرني منهم الشاعر (سعود بن صميل الرزمي) وليعذرني من نسيت اسمه..علما بأن الرد كان وليد اللحظة واستغرق نصف ساعة للرد وكان كالتالي:

الاوله يامرحبا ترحيب والسده منيعه

باللي لفونا فا الوجوب اهل المقامات الرفيعه

جيتو وحنا في حراكم وابشر برد الصنيعه

واللي يفك الباب لطلاب ربعه وافقوه

انتم هذيل ونعم مثل النار لن ولعت وليعه

وحنا سليم سليم ابن منصور ومحمد شفيعه

ونتم وحنا صفنا واحد ليا وقعت وقيعه

يانعم ابو راكان وللي في حضوره قابالوه

انتم هذيل ومن يعاديكم يقف في راس ريعه

ون عزتنا حنا سندكم في اليالي اللي شنيعه

نمشي بشرع الله ولا نرضى العلوم اللي بديعه

في فتح مكه بيرق السلمان باالعز ارفعوه

ترى الولد غير اللسان اللي تكلمه وديعه

والوادي البلعوم وان حافه تعب تسمع قريعه

والبنت غير الحنجره وحليقموت اللي تبيعه

وان كان ماتت كلها الرجال مات وكفنوه

,,,,,,,تمت الحدايه ودمتم,,,,,,,,,,,,,

#2 11-10-2008, 10:56 AM

ماشاء الله تبارك الله
الله يوفقهم كلهم
تحياتي لك
تقبل مروري

#3 11-10-2008, 01:55 PM

مشكور يافتى ستاره

اذا اردت الزوماله ابحث عنها في المنتدى انا اضفتها قبل مده لاكن صوت فقط

#4 11-10-2008, 09:10 PM

خوش زوماله

رائعه جدا جدا

سلمت يافتى ستاره على النقل الجميل

ولك كل الود والتقدير

اخوك

علي الزعبي

#5 11-10-2008, 09:46 PM

\7

#6 11-12-2008, 07:16 AM

عزالله انهم كفو ووفوا
وبدون شك هذولا ربعي السلمان اهل الوفا والشجاعه

#7 11-12-2008, 01:27 PM

ـآششششششهد انهم كفوٍِوٍِ ووفوٍِِ

رد قــوٍِي جداًَ ووٍِآفــي بيـض الله وجيههم جميعاًَ

وبدون شك سليم وهذيل اهل شعـر من قديم الزمــآن

اخوٍِي فتىآ ستآرهـ بيض الله وجهك علىآ النــقل الجميــــل

تقــبل منـي كل الوٍِد والتقـدير

تحيـآتـي للجميــع

فهد الحمودي

#8 11-17-2008, 05:39 PM

[frame="7 10"]أخي فتى ستاره شكرا لك على النقل الرائع ولاهي غريبه على هذيل وسليم فهم أهل الشعر من عصر الجاهليه ولاكن لدي بعض الملاحضات على كتابة الزوماله و شارك في الخصم نخبه من شعراء قبيلة سليم
غصبن عنتله واعتلاها والخبر كلاً يذيعه
غصب أذعنتله وأعتلاها والخبر كلآ يذيعه

يانعم ابو راكان وللي في حضوره قابالوه
يانعم أبو راكان وللي في حضوره شرفوه

ابطى علينا نوصل السلمان والخطوه سريعه
ابطى علينا ناصل السلمان والخطوه سريعه

من هم ولأ تم يقطع نايب الشر القطيعه
من هم ولا غم يقطع نايب الشر بالقطيعه[/frame]

#9 11-21-2008, 11:30 PM

ابشر يا فتى ستارة الزومالة عندي مسجله صوتية وان شاء الله انزلها في قسم الصوتيات

#10 02-21-2010, 04:51 PM

وين التسجيل يالربع؟

تسجيل دخول