" حسّ القوافي "

#1 11-22-2008, 06:59 PM

..." حسّ القوافي "...

[poem=font="simplified arabic,5,black,normal,normal" bkcolor="transparent" bkimage="" border="double,4,gray" type=1 line=0 align=center use=ex num="0,black"]
لو تمحـل الـدار و الأيـام تسلبهـا=
=في خافقي حبهـا يسقـي مغارسهـا
شمعة غلاها بوسط الصـدر ناصبهـا=
=يسهر على ضوّهـا قلبـي يهامسهـا
لا واوجودي بعـد يبسـت مضاربهـا=
=ركّع جذوع النخل و الحـزن لابسهـا
سبعةَ عوام الدهر حابـس مساكبهـا=
=و الأرض تبكي و لا فانـت نفايسهـا
حسّ القوافي فجوف الجـوف لاهبهـا=
=يشعل فتيل الشعر في صـدر فارسهـا
يا هاجس الشعـر لا هبّـت هبايبهـا=
=ناج المهيمن عسى يجلـي عمايسهـا
يـا الله فـي مزنـةٍ همّـال صايبهـا=
=(ا)تسوقها حايتٍ و البـرق قابسهـا
رعّادها فالبحر مـن عصـر يندبهـا=
=يحثها..مثقلـه مـن خيـر تارسهـا
حبّ البرد و الـروى مليـا جنايبهـا=
=برّاقهـا طعنتـه تضـرب مفارسهـا
(ا)تزفهـا ماهبـه تسبـق سحايبهـا=
=تشفي معاليق نفسي مـن حسايسهـا
إليا دنت و أستوت و أرخت مناكبهـا=
=تمطر بدارٍ عسيـر الوقـت خامَسهـا
تفطر بعد صومهـا تهنـا مشاربهـا=
=من سيل وديانها لو هـو يشارسهـا
يجري بشوقه لهـا و يحـب كاعبهـا=
=يلثم ثراها و يطفـي حَـرّ خامِسهـا
تروى عروق الشجر و يشعّ غاربهـا=
=و تزها جدايل نخلها فـي تجانسهـا
تِنصِح سماهـا بعـد كفّـت محالبهـا=
=و تضحك ثنايا الثرى لا شاف شامسها
يسري بي الليل مع قافي و أهيم (إ)بها=
=كل مـا غفينـا تصحّينـا نسايسهـا
أسامر القـاف بالألحـان و أطربهـا=
=فالنون داري و رمش العين حارسهـا [/poem]

كتبت في رمضان 1429

تحياتي

#2 11-22-2008, 11:10 PM

\7

#3 11-23-2008, 02:25 AM

تسلم يمناك ولا عدمناك يالغالي لك مني كل الشكر والتقدير

قصيده رائعه اخوي خليل الله يبيض وجهك يالنشمي

\7

#4 11-23-2008, 02:39 PM

\7

#5 11-23-2008, 03:01 PM

إليا دنت و أستوت و أرخت مناكبهـا
.............تمطر بدارٍ عسير الوقـت خامَسهـا

صح لسانك ياخليل

أبيات جزله مبنى ومعنى

لاعدمناك

#6 11-23-2008, 07:30 PM

ابن العم فهد العبيدي .. صحت الأبدان

و سلمت على مرورك الجميل

تحياتي

#7 11-23-2008, 07:32 PM

حياك الله يا صقر وجهك أبيض يا ابن العم ..

تحياتي

#8 11-23-2008, 07:49 PM

الأستاذ الشاعر/ مضحي ..

حياك الله و صحت الأبدان و هذا من ذوقك الراقي ..

أرجو أن تفتح خاصية استقبال الرسائل الخاصه ..

تحياتي

#9 11-23-2008, 07:50 PM

ابن العم سعود ...

صحت الأبدان و الله لا يهينك ..

تحياتي

#10 12-18-2008, 01:54 AM

إليا دنت و أستوت و أرخت مناكبهـا
تمطر بدارٍ عسير الوقـت خامَسهـا
تفطر بعد صومهـا تهنـا مشاربهـا
من سيل وديانها لـو هـو يشارسهـا

صح لسانك

قصيدة طيبة وتصاوير جميله

تقديري

تسجيل دخول