أسيل وخالد وللـــ { الانحطاط عنوان }

السلام عليكم ورحمة الله وبركاته
شلونكم ووشلون عربانكم ؟

يآإن تسبدي تفرك ومرارتي بتنفقع من أسيل وخروفهآ

سماجة تصنع قلة ادب وش أقول بس

برنامج هو وهي الي يعرض ع قناة فضائيه

يصور حياة إثنين متزوجين ويقالهم يعطونا دروس في الحياه الزوجيه
وهم أصلآ مايفقهون شي فيها
لأن الحياة الزوجيه عالم خاص وكلها أسرار بين الزوجين ومايعرفها أقرب الناس
وهذولا رازين الكاميرات في كل مكان يبون العالم تشوف خصوصياتهم
بس نسو يحطونها بغرفة النوم <~ وقسسم انهم ميتين عليها بس عارفين ان محدن مخليهم

يعني أبي أفهم وش الهدف من ذا البرنامج وانهم يصورن انفسهم وهم نايمين وهم قايمين
والحبيب لاطلع لازم يبوسها ويضمها مسوي يصالحها وهي ياعينة الله تتدلع ويعنني زعلانه

هم الظاهر عشان أسيل سعوديه يبون يسلطون الضوء عليها لأنهم يشوفون المرأه السعوديه .. احتمال ..

منغلقه ومتخلفه ويبون يطلعون أسيل كصوره مشرفه للمرأه السعوديه المتفتحه

مير تخسي وتعقب هااللحجيه لاهي منا ولاتمثلنا <~ عصبت

قبحها الله هي وزوجها ذا وخشمه الكبير الي تقل كورة سله

وين غيرته على زوجته وهي تسدح وتبطح قدام الكاميرات وهو كل شوي خامها عساه للمسرع هو وياها

ولا بعد يبكي عشانها لعنبو حيك انت منت برجال؟

وهي غطت على حليمه بدلعها السامج .. يوم مسكت المكنسه تبي تكنس وهي تطيح ويااااااااي
انكسرت رجلها وهو يشيلها وهي تصيييح





ودك من يعطيك مكنسه تكنسين به حوشنا الي اكبر من بيتك عشر مرات

وتكرفين كرف الويل عشان تعرفين الدلع الي مهو يم سنع ياقبيحه

ياحلالاه على من شربك حلتيته اسبوع عشان تخيسين صدق

وبعددددديييين يعني

بتعلمونا يعني انكم مستانسين ومبسوطين في حياتكم الزوجيه وانك تدلعها ومسوي رومنسي؟
ولا تعلمنا انك تساعدها بشغل البيت؟
الله يفشلكم مستانسين وهم يصورون حوسة بيتهم

متزوج ذا الورعه ويبي يعلمنا دروس في الحياه الزوجيه


من جد برنامج فاااشل بكل ماتحملة كلمة فشل من معنى

والشرهه على القناة الي عرضت برنامج مثل ذا


كلامن في صدري عجزت أرقد وأنا ماقلته

كله سب مير بتزحلطونه تشوتونه تولعون فيه ماعليه أهم شي طيحت اللي براسي


يالله الحين أنام وأنا قريرة العين


سلآآآآآآآآم

بروفانيه الملامح ..شكراً لك ..لم أجد موضوع للنقاش


او اني لم افهم الموضوع ....

ربما اعود في حال الإدراك


دمتي بخير

برو

والله بطوا بطني الله يصيبهم بالمسرع على قولتك

ماعنده غيرة هالماخوذ ويمكن علشان لاشافوه اصحابه

يبتسمون له علشان شافو هالبلوه اللي معه ههع

شكرا لك نوم العوافي

السلام عليكم ورحمة الله وبركاته
/
بنسبه لـ بـرنامـج (هـي وهـو)
/
لازال هناك فئه لا تقبل بهذه البرامج الساذجه..
ولكن المصيبه ليست في المتلقي بل فيمن يتهم المشاهد بانه محتاج لمثل هذه البرامج
فمعظم المنتجون يركضون وراء الكسب السريع ويقحمون المساكين لتجسيد ما يروق لهم
(قله من النجوم من يرفض الاستخفاف بعقول المشاهدين )
بحجة انهم يعالجون قضايا المجتمع
ولكن المعالجه الدراميه الهشه الخارجه عن السلوك لاتعالج قضايا المجتمع
وخاصه أمور الزواج لأنها حياه خاصه.."
وديننا الأسلامي بين لنا حقوق الزوج والزوجه كامله
ولله الحمد والمنه

فالشعار ادفع اقل واكسب الكثير ولا يهم الحشو
/
بروفانيه
/
شاكـر ومـقـدر لـك الـطـرح الرائع

بعد مشاهدتي للبرنامج السخيف الهابط في كل شيء

هذه السخافة ليس بغريبة على هذه القناة

والتي أصبحت تدرى المفاسد لديننا ولمجتمعنا.

مسلسلات هابطة وبرامج سخيفة يستحي الشخص يتابعها.

أصبح الوضع الذي نشاهده يسيء لنا كمسلمين وكأمة من أعرق الأمم

ليس هذه القناة لوحدها , بل أن هناك أكثر منها إساءة




علينا أن نهتم بالبرامج المفيدة الهادفة والبعد عن مثل هذه البرامج الهابطة
وأن ننتبه على أخواننا وأبنائنا وتوعيتهم بعدم مشاهدة هذه البرامج

تسلمون يا اخوان ع المشاركه

وابو اسامه ماتقصصصر .. الله لايهينك ..


مشكورين ع المرور والتعليق الرائع ..



وبالنسبه للــ اسليوهـ .. يبون يورون ان هذي هي المراه السعوديه دلوعه وسامجه ومدري وش وانها وانها

مير يخسووون ثمن يخسسسون المراه السعوديه اشرف وانقى واطهرررر ماخلق ربي

إذا عرف السبب بطل العجب .!

اولاً البرنامج له اهداف كثيره اولهاا رسالة للمرآة السعودية .
بأن الانفتاح والظهور
شيء عادي والدليل انه هذي بنت سعودية .
الفقرة الثانية تخص اسيل وظهورها على الاعلام بعد توقف
وفشل استمر اكثر من سنه فكانت هذه الفكره من اختهاا لجين ودعم من إدارة القناة
لتهيأتها لدخولة ومن جديد للمجال الفني
وإطلالتها بهذا البرنامج حتى يتناسى المشاهد الفشل الذي حصلها
من قبل . .
ولا ننسى هنا بان هذا له مقابل .
بعد آن رفض زوجها الفكره وبعد حوار مطول
بين زوجها وإدارة القناة ولجين عمران تمت موافقة زوجها بعد
آن قدم له عرض لظهورة على نفس القناة في المجال الاخباري . .
ومن هنا تمت الموافقة ودخول
إلى عالم الزوجين وفي بعض
خصوصياتهم له مقابل ومقابل رخيص للاسف .
المقابل هو رجوعها للمجال الفني وطرب . وظهور
زوجهاا كمذيع للاخبار بدل برنامج fm الأذاعي والذي فشل فيه ايضاً .


تحيااتي

يـــــــــــــجــــــــــــي

عاششت نور الهدىا ..

صح اللسسسسان قسم انتس صادقه

:

:


تسلمين ع المروووور يالبى قلبتسسس

عندي حل لمثل هذه القنوات التاااااافهه
وهو
1/ امسك الريموت
2/ حط على القائمة
3/ حط على هالقناة
4/ اضغط delet

وافتك من شرها وشر بقية القنوات المدمرة


شكرا لغيرتك أختي بروفانية

هلا والله

نورتو كلكم ماتقصرون ..

مشكورين