|
#31
03-04-2010, 07:13 PM
|
||||
|
||||
رد: مفضلة القصائد المنقولة
هذه قصيدة جديدة من روائع شاعرنا :عبد الخالق العميشي
نقلها لنا المتألق : نايف العميشي . القصيدة (مزبن الجود) القصيدة (مزبن الجود) ياسيدي سلطـان يامزبـن الجـود طهور يالحـر السبـوق النـداوي في غيبتك لوني مع الناس موجـود كني غريبٍ عـن ديـاري جـلاوي ياسيدي لي في محبتكـم (ا)شهـود جيتك في عين الوفي وش تساوي؟ مثل السحاب تحثه بـروق ورعـود وأروي القفار وكل عطشـان ذاوي مع عودتك هبت على صدري النود ومن فرحتي فاضت عيوني خلاوي شميت ريح المرجلة (وازرق العود) بارض الوطن مع جيتك يالسخـاوي أقطف ثمار الفكـر عنقـود عقـود وانحر جزيل الشعر لا صرت ناوي آرد على عـدنٍ ولا هـو بمـورود في مدح من قلبة محب وصخـاوي انت الذي في وصفة الشعر محمـود يشبه مكاسر عود من عود جـاوي وانت الذي سيفٍ على الشر مجرود يهوي على راسه ولاهـو بيـاوي حبل الكرم في كف يمنـاك معقـود ((من جاك يشكي فقر عودّ غناوي)) ياطيبٍ طيبه مثـل طلـح منضـود مثمر بطيبة فـي جميـع الحـراوي على ثغور المملكة سـدر مخضـود لاجـا نهـار المرجلـة والعـزاوي واليا حصل فالعلم حـاوي ومـردو دقاوي بعد ربـه علـى كـل قـاوي وان عوّدت للراي والعرف والفـود رميه صواب ورمي غيره سمـاوي سلطان أبا الوقفات من زود في زود زايد عن أهل الزود ماشي تسـاوي باسم وحاسم سهل ومطـوّع الكـود مجده روي والعرق عرقٍ رهـاوي مادام ابو خالد لنـا زنـد وعضـود ماهمنا ذيـبٍ مـع الليـل عـاوي يدحم بظله حشد ويجنـدل حشـود ميسم على كبـد المعاديـن كـاوي حنا على يمنـاه حـرّاس وجنـود واللي غوى منبوذ ويموت غـاوي المجد لك خاضع ولاهـو بمضهـود يار اعي العوجـى بعيـد الهقـاوي ياال مجد وعز واحسـان وسعـود ياال فخر وذخـر للطيـب حـاوي لك من فعل يمناك ياشهـم مـردود ترفع لك البيضـا كـرام اللحـاوي الشعب في غيبتـك فاقـد ومفقـود شعبٍ طوى كبده من الهـم طـاوي لاجن طرف الليل والعالم (ا)رقـود يرفع كفوفـه بالدعـا والرجـاوي يحفظك يامن عودتك تبـري كبـود بامر الكريم اللي يجيـب الدعـاوي يامرحبا مليـون ياشامـخ الطـود ياعون من صكت عليـه البـلاوي مع عودتك هبت على صدري النود ومن فرحتي فاضت عيوني خلاوي شميت ريح المرجلة وازرق العود بارض الوطن مع جيتك يالسخاوي
__________________
يالله إن اهلنا في سوريا لحق بهم الضّر وليس لهم ناصرٌ سواك اللهم فأنصرهم سبحانك اللهم وبحمدك اشهد ان لا أله الا انت استغفرك واتوب اليك التعديل الأخير تم بواسطة فهد العبيدي ; 03-04-2010 الساعة 07:22 PM |
«
الموضوع السابق
|
الموضوع التالي
»
العرض الشجري
تعليمات المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
الابتسامات متاحة
كود [IMG] متاحة
كود HTML معطلة
|
|
|
الساعة الآن 01:39 PM.
