[[× حييت يا ضيف السعد ×]]

أعزائي القراء ...

السلام عليكم ورحمة الله وبركاته

بمناسبة قدوم شهر رمضان المبارك يسعدني أن أهنئكم بقدوم هذا الشهر أهله الله علينا بالأمن والإيمان

والسلامة والإسلام وأعاننا على صيامه وقيامه وأن يتقبله منا ...

بهذه المناسبه أحببت مصافحتكم بهذه القصيده المتواضعه.. وأرجوا أن تحوز على رضاكم..

[poem=font=",6,green,bold,normal" bkcolor="transparent" bkimage="http://www.solaim.com/vb/mwaextraedit2/backgrounds/10.gif" border="groove,4,limegreen" type=0 line=0 align=center use=ex num="0,black""]
هل الشهر واخترت من بين الأبكار= بنت لبون مصقله بالسنامي

تفز فز الحر من عالي الأوكار =مزيونة واجرها بالخطامي

تمشي على ما أريد بالمشي واختار= عسّفتها على مزاجي تمامي

أبغى ليا ردت عن البيت الأشعار= وجدت بيتي ما عليه الملامي

يفرح به القاري ويذكر بالأخبار = ذكر(ن)جميل ويفرض الإحترمي

هل الشهر ضيف(ن) عزيز على البار= ضيف (ن)عزيز يحب كل الكرامي

له في سويداء القلب عزه ومقدار= من عزته سمي بشهر الصيامي

حييت يا ضيف السعد خير من زار= مطيب مقامك بيننا كل عامي

ليتك تطول تسربك كل الأنظار= حيث إن فيك الخير مثل الغمامي

أوّلك رحمه وآخرك عتق من نار= وأوسطك غفران الذنوب العضامي

يا طيب من صامك ويا طيب من سار= لبيت(ن)عتيق وله حدود حرامي

فيك العشر لو قدروها بالأسعار= ما ساوت الدنيا بها كاس ظامي

في ليلة القدر المضيئة بالأنوار= فيها الأمر ينزل بأمن وسلامي

يا كبر حظ اللي غسل عنه الأوزار= ويا شين حظ اللي قعد في الوخامي

يا طيب حظ اللي سكن عالي الدار= ويا شين حظ أهل الدرك والرغامي

تمت وصلى الله على خير الأبرار= نبينا محمد رفيع المقامي[/poem]