يامدعين الشعر

قصيدة الشاعر : ظافر فالح فرج القويعي



يا مدعين الشعـر نص ٍ ومــضــمـــــــــون
لاتدمرون الشعر جـمـلـــة وتـفـصـيـــــــل

خلوه لـلـي مــن بــحـــوره يــصــبّـــــــون
شعرٍيشادي كيف صـفـر المـعـامــيــــــل

إن كـــان والله وأنـــكــــم لــه تحــبـــــــون
خلوة للــي يــقــدر الــحـمــل ويشــيــــل

شاعر وهبه الله وأنتم توحــــــــــــــــــــون
شعرٍ تشادي نفحته ريحة الهيـــــــــــــــل


وليا بغيتوا بالقصايد تسلـــــــــــــــــــــــون
خوضوا قصايدكم بليل التعاليـــــــــــــــــل

ولا تنشرون اللي نظمتوه تكفــــــــــــــون
لين إن شاعركم يجيد التفاعيـــــــــــــــل

للشـعـــر قيــــفــــان ٍوبــنـيــان مـــوزون
ومضمون واضح له على القصد تدليـــــــل

وطروق تظهرجوهرٍ فيه مكنـــــــــــــون
تفرق سمينه عن بيوتٍ مهازيــــــــــــــــل

ويا اللي على نشر القصايد تصــــــــــرون
تبون شهرتكم تجي بالتساهيـــــــــــــــل

خليتوا العدوان منكم ينالــــــــــــــــــــــون
وعرّضتوا الموروث للقال والقيـــــــــــــــل

مشره عليكم وأنتم أبخص وتـــــــــــدرون
أشره على اللي ينشرون الأباطيـــــــــــل

اللي لكتاب المناصب يحابـــــــــــــــــــون
ودون المواهب ينصبون العراقيـــــــــــــــل

وأشره على نقاد صاروا يجيـــــــــــــزون
قصايدٍ تشبه كلام المهابيــــــــــــــــــــــل

راحوا براعيها نفاقاً يشيـــــــــــــــــــــدون
له يكتبون المدح دق ٍوتطبيـــــــــــــــــــل

اللي يبا الشهرة دفع نص مليــــــــــــــــون
وهي تجيله كالبضاعة فزمبيــــــــــــــــــل

يلقى ضعوفٍ للقصايد يبيعـــــــــــــــــــون
ويسجلون أله الدواوين تسجيـــــــــــــــــل

صار الشعر لا شكل لا طعم لالــــــــــون
متداخلاتٍ فيه كل التفاصيــــــــــــــــــــــل

ورغم عيوبه صار له من يغنـــــــــــــــون
غنوا عليه أهـل الطـرب والمواويـــــــــــل

الشعر أمانة كل مخلص ومأمـــــــــــــــون
ورثٍ عن أجدادٍ عزازٍ مشــاكيـــــــــــــــــل

واجب يكون الشعر فالحفض والصـــــــون
موروث للأجيال جيلٍ ورا جـــــــــيـــــــــــل

لا يندثرويصير جثمان مــدفـــــــــــــــــون
ثم ينمحي وتضيع كلالمحاصيـــــــــــــــل

تبني لنا الأجداد وأنتم تهـــــــــــــــــــــدون
يكفي مهانة للحضارة وتنكيــــــــــــــــــــل

على حضارتنا غدا الناس يحكــــــــــــــون
وتظهر من العدوان فينا الأقـاويـــــــــــــــل

ولدري متى تحيى الضماير وتصحـــــــون
من غفلةٍ شفنا من أسبابهـا الويـــــــــــــل