مليون ورقه

[poem=font="simplified arabic,6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يا علي لا الشعر عبدي ولا هـو سيـدي = صاحبي له من جنوني ولي مـن منطقـه

مايخون الطيش والملـح ياكـود الـردي = له علي إن ماسبقني على الطيـب اسبقـه

والله اني من عرفته وانا ابشـر بسعـدي = كل حزن يفتح ابـواب حسـن ن مغلقـه

والله اني مـا ذخـرت لمعانيـه جهـدي = ذمنـي ولا مدحنـي مـن يقـول سرقـه

أعشق من الشعر كلـه عيونـي ورمـدي = واعشق من الكل بعضي اذا الصمت انطقه

واعشق من الليل الاظلم واشوف السرمدي = قـدر قـرم بيـض الله وجهـه بصنقـه

واعشق من الصبح الاكسل نسيم وفي يدي = دفترن يهدي العصافيـر لحظـه مورقـه

واعشق من الصحبه ام البساط الاحمـدي = لا تهيت واعشق من العسـل طلبـه ذقـه

واعشق من الوقت وقتي لا ابوي ولا ولدي = واعشق من الناس كل ن على قـد عرقـه

يا علي والشعر عبـدي وعبـدي سيـدي = اعمق الشعر ابسط الشعر وابسطه اعمقه

في الحنايا خيل ترمـح وخيـال يحـدي = وفي المرايا الف بحـرا يتلعثـم بازرقـه

يا كثر ماذكر من الناس لاصـرت وحـدي = من نسوني ونسوني بكـذب ن ماصدقـه

كلي وعدا مـع الـي يخونـون وعـدي = البناخي بعض طيـب اقهـره بـل خلقـه

لـو تهيـا للطريـا سـويـا مـاغـدي = مزبـن الذهيـب ممـراح خاينـت الثقـه

يقنب النسيان الامعـط بروحـي ويعـدي = كـل ليلـه فـي فياضـي الله يـرزقـه

السهر ماهوب هـذا السهـر لا يابعـدي = السهر شفنـي تعرفـه وشفنـي تزهقـه

كل جفن ن من جفوني غدى بيت اجـودي = لا تقضب فيه عبـداً مـن الليـل اعتقـه

ليت لي قدرة على الثار تكفـى ياسنـدي = من حبيب ن طشر القلـب مليـون ورقـه

ما رماني خطرة ن لجـل يرضينـي ودي = نيشـن الفرقـا هنيـا تمركـا بنـدقـه

وانتهى مستسهل سهيل يستجدي الجـدي = مابقى غيـر اليبـاس بعيـون مغورقـه

كم تكحل عاذلي وانعمـى مـن مـرودي = يوم قال العيـن بالعيـن مـا والله وفقـه

قلـت والله دام قفـى وظليـت وحــدي = لتركه في داخـل القلـب محـداً بشنقـه

يا علي كلي نهايـات مـن ويـن ابتـدي= يا علي كله بدايـات مـن ويـن اعشقـه

له عيون ولي ظلالي بهـا ليـن اهتـدي = ولي عيون وله عليها البكى لين اغرقـه [/poem]

\7