جاني خبر بالحيـل واتن ومصدوق

أخواني زوار و أعضاء و مشرفين و إداريين منتدانا الغالي ..
أود أن أضع بين أيديكم قصيدة كتبتها بعد سماعي بخبر الامطار والسيول على المنطقة الغربية بيوم الخميس الموافق 24 / 1 / 1432 هــ عن طريق أخبار منتدانا الغالي ..
وهي قصيدة تعبر عن ما فيها من شوق للديـرة وخاصـة في هذه الايـام .. والاجواء في الديره ما تنتفـوت لكن ما باليد حيـلة ..

المهم مالكـم بالطـويلة ...

تفضـلوا ...

جاني خبـر بالحيـل واتن ومصدوق
من مجلس السلمان ربي يديمـه

ساقه علينا راعي الصدق ما يبوق
مشعل جويد الساس جاب الغنيمه

يقول جده سمـاها رعــود وبروق
والمـزن يالعــرّاف نسمع رزيمــه

ودارت علي هجوس قلبي كما الطوق
ورحت أتفقــد في الهجــوس الوخيمـه

وش صار يا أهل العرف في ديرةٍ فوق
جاهــا مطــر والا العلــوم القديمــه

تكفون من جاه الخبر يبــري العـوق
ويفصــله تفصيــل غشنه و ديمــه

جاب الخبر عبدالله مراسل و موثــوق
ستاره معاها سيل وسمـاها مغيمــه

شفت الصور و السيل في الوادي يسوق
و زادت هواجيــس النفــوس الحميـمه

و أخذت جوالي به الرقم مدقوق
علّه يداوي أهل القلوب السقيمـه

أبنشــده عن ديرة العــز والــذوق
الكامل اللي في الحشـايا مقيمـه

قالوا تراها عيّنــت خيــر مطبــوق
والسيل مع واديه يدحـم دحيمـه

سبحان ربي خالق (ن) ما هو بمخلوق
رازق ديــار بالضمــا هــي محيمـه

أتمنى أن تنال على إستحسانكم ورضـاكم ..