~~~ ... همس المشاعر ... ~~~

السلام عليكم ورحمة الله وبركاته

إليـكم مع التحيـة ,,

[poem=font=",6,darkblue,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
العمر تمضي سنينه والثواني ذهب=وانا مسافر وتقوى الله للعبد زاد
وايامنا من هجير ذنوبنا في لهب=نطرد سراب الأمل ونقول بانت سعاد[/poem]

متواضعة جديدة , أتمنى أن تنال رضاكم واستحسانكم ,

[poem=font="Mudir MT,6,,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/10.gif" border="none,4," type=1 line=0 align=center use=ex num="0,black""]




بسمك ياربي نبتدي ونغوص باعماق البحور=ولاخاب من بسم الله الرحمن دايم مُبتداه
الشعر ماهو شعر لو مايحمل احساس وشعور=بلسم جروح وسحر بوح من العسل ياخذ حلاه
يجمع شتات أفكار فيه أسرار جزل بلا كسور=الطرف يستمتع بشوفه قبل تحريك الشفاه
والشعر ريحان المجالس تنشرح فيه الصدور=لاجاك من شاعر حكيم وجزل عالي مستواه
يارب ترحمنا وتستر عيبنا يوم النشور=يوم التغابُن والنّدامه والبَشر تُحشر عُراه
عفوك ولطفك ياعظيم ويارحيم وياغفور=اجمع شتات المسلمين وحطّم أحلام الطُغاه
قرأننا دستورنا دايم لنا حُجّه ونور=طوبى لمن يمشي على السنّه لها ربي هداه
وطوبى لمن صان الأمانه يبشر بجنّه وحُور=وخسران من ضيّع حدود الله بل تبّت يداه
لو صار عُمْرك عُمْر نُوح وزاد عن عُمْره دُهُور=يمكن ما يُقْبل منك حج ولاصيام ولاصلاه
حتى متى ساهي ولاهي في ملذات وسُرور=العُمْر ضاع وقلبك المسكين ماحقق مناه
وحتى متى دون الشّرَف والعِرض دمّك مايفور=وحتى متى واطْلق شنب ياللأسف يتبع هواه
بعض البشر في دمّهُم حُب التَبَرُج والسّفُور=والبعض من زود التشدد صار من روس الغُلاه
اسلامنا واضح لكن المشكله كِبْر وغُرُور=أمالنا وأحلامنا تمشي بعكس الإتجاه
تفرّعن الفار وتشبّه بالأُسود وبالنمُور=وسرحان بـ اسم العولمه . أمين لحقوق الشياه
والبُوم يُمدح بالشعر والنثر وتسب الصقور=والخاين الغدّار صار الفارس اللي ما وراه
بسم التقدُم كم بنينا للتخلُف من جسُور=وبسم التطور في تهور ماعرفنا منتهاه
العولمه والتقنيه خليط خيرات وشُرُور=ياويل ربّان السفينه لو فقد طوق النجاه
لاتعتذر لو مَرّت الفُرصه ترى مانت معذُور=من مامنه يوتى الحذِر . واجب عليك الإنتباه
بالعقل قبل العاطفه ياصاحبي قِيس الأُمُور=لاتنخدع بالأُمنيات . وحقق أحلام الفتاه
كم يُوسفيه فالجمال وفالأدب بدر البدُور=لكن مَرّ الغيم بالروض ورَحل ماهل ماه
وصيّة المُختار تمنحك السلامه والعبُور=والفوز بالفردوس بعد الموت هو راس الغناه
الدين والأخلاق لاتنظر لجاه ولاقصُور=وش ذنب من يحتاج ثوب الستر والفقر ابتلاه
وياغاليه تمسكي بحجابك الدنيا مرُور=توبي لربك واطلبيه العون يبْشر من دعاه
وياعاشق الدنيا لعلك تعتبر . زُور القبُور=ياكم عزيز . الموت من كاسه على الموعد سقاه
صحهْ مرضْ . حزنْ وفرحْ . من بينها عُمْرك يدُور=نهاية الزرع الحصاد . الفرق باسباب الوفاه
وصلوا على المُختار ماخط القلم فوق السطور=ماخاب من بـسم الله الرحمن دايم مبتداه



[/poem]

ودي وتقديري

دمتم بكل الحب في حفظ الرحمن