مرثية ،، مشعل ...

[poem=font=",6,black,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""]
الموت حق وكلنا للمنيه = والعمر يفنى والليالي محطات
وأنا احسب إن حروف اليف ابجديه = لكن تبين لي عليها علامات
اقولها وجروح قلبي طريه = وانفاس صدري مبعده في المسافات
ربي عطاني ثم شال العطيه = وأنا أحمد المعبود في كل الأوقات
فيما مضى مشعل معي في يديه = واليوم مشعل في سجلات الأموات
عامين مرت في حسابي عشيه = في نظرة عيونه جميع الملذات
لو الدموع ترد مشعل عليه = هلّيت منها ما يساوي محيطات
بس القدر روحه على غير جيّه = لا حان وقته ما تفيد الحسابات
واكيد في المكتوب حكمه خفيه = ما احدٍ عرفها غير رب السموات
لكن ابصبر جعل رب البريه = يجعل لنا مشعل شفيعٍ بجنات
[/poem]