ساندوا المظلوم بـإرسال الحـراب ....طـولت ماعـاد ينفع لـيه ليـه

يا أهـل التوحيد بيضان الوجيه
ياسلف الأمه قصيرين الثيـاب

ياحمـاة الدين نصرة محتميه
الحقايـق بينت والنور غـاب

انظروا للشام وش سوى السفيه
عربد الطاغي ذبح شيب وشباب

مشرع سيف الغدر يقتل ذويه
فضل التنكيل ورافض الإنسحاب

وانظـروا طفل يلوذ بوالـديه
مشهد والله منه الراس شـاب

واذكروا غاراتهم عمه وأبيـه
يـوم دكوها وخلـوها خـراب

و كـرر المشهد مع السفاح أخيه
والكـرملن جاهز رفض الـخطاب

النصـيري ظن مايـقدر عليـه
ناسـي إن الله شديـد بالعـذاب

ويحسب إن وجهه من أفعاله نزيه
مادرى إن وجهه مثل لون الغراب

يانصيـر الظلم يا الـوجه الكريه
الشعـوب تقول يا مال الذهـاب

ويش بـاقي من خططهم نرتجيـه
بعـد إهانتهـم وتحريـف الكتـاب

واسمعوا يا أهل الضميـر لما يليه
ساندوا المظلوم بـإرسال الحـراب

طـولت ماعـاد ينفع لـيه ليـه
وطاردوهم دار دار وبـاب بـاب

ورددوا يـاربنا حسـبي عليـه
واهـلكه ياالله وعـجل بالـعقاب

ويومه المشؤوم قـرب يحتـريه
وتنلـفظ جثته حتى من التـراب.