عيدك مبارك << لمحمد الصنيدحي العضياني

[poem=font=",6,darkblue,bold,italic" bkcolor="transparent" bkimage="" border="outset,4," type=1 line=0 align=right use=ex num="0,black""]
كل عام وأنت بخير وأحبابك بخير = كل عام وأنت أحلى وعيدك مبارك
للعيد فرحه هالسنه طعمها غير = كنت انتظرها وحصلت بانتظارك
انا انتظر هاليوم من يومي صغير = وكل عام أعايد بالفرح باب دارك
لا تعتذر عاذرك من دون تبرير = قدّام لا تنطق قبلت اعتذارك
تعال إخذني من يدين المقادير = من راحة يمينك لراحة يسارك
تعال تِزهرلك دروبك نواوير = تعال بأفراح العياد نتشارك
لولا مجيّك كان عيدي زمهرير = ودنياي كانت غير لولا قرارك
يكفي ضياع وعمر كله مخاسير = خليتني مابين روضك ونارك
تعبت من كثر الشقا والمشاوير = واشغلت من بلواي حيّك وجارك
خسرت لعيونك رجال ٍ مناعير = وأغلطت غلطة عمر ما تنتدارك
تعال وأنته غير كل المسايير = أنت الفرح والعيد .. عايد وبارِك[/poem][]