البارحه

...... البارحه.....

البارحه يارشيد ماجاني النوم...
مما يحس القلب عيني سهيره...

دارت علي بالي تفاكير وهموم...
هذا الزمن وشهو نهايه مصيره...

يارشيد بعلمك في القلب بعلوم...
وعـلومنا يارشيد والله خطيره...

الوقت ماتقضي به اليوم لـزوم...
أسرع من اللمحه ودق الشعيره...

الناس جاها حال ماهو بمعلوم...
لا عـاد به رفـقه ولا فـيه جيره...

ضاعت مابين الناس عادات وسلوم...
صاب العرب اليوم يارشيد طيره...

لو ينكسر عظمك ولا تقدر تقوم...
ياصاح ماتلقي لعظمك جـبيره...

راحت رجالً تكسر القوم وعزوم...
رجال لاجات الصعاب العسيره...

تاقـف وفزاعـه وحـرابة الـقـوم...
تشب نار من الشجاعه سعيره...

ولا عاد به صدقان يافلان وقروم...
الكذب صار في كل دار وديره...

والحسد مابين المخاليق بالكًٌٌـوم...
حتي الاخو لـخوه ماشاف خيره...

أنظر عيال العم عدوان وخصوم...
تلقي لهم في كل مجلاس سيره...

يارشيد شفت العالم بحالها تعوم...
تسرق بعضها في ريـالً ولـيره...

والصقر صار يرافق اليومه البوم...
يمشي علي دربه ويتبع مسيره...

هذا الزمن زمان حـريم ورخـوم....
الرجل ساكت وهي تكلم سميره...

والذيب صار اليوم جايع ومحروم...
ولا الكلاب تعيش عيشه يسيره...

يالـيت ونـ القرم بالوسم ماسوم...
والله مارافقـت يـارشيد غيـره...

والطيب لو تعطيه وتقول مخدوم...
يـرد طيبك شـر وعينك ضريره...

ولا تشتكي للناس والحظ مقسوم...
وحذري تكلم بالخفاء والسريره...

ويجيك من بعض العرب زايد اللوم...
ويطلع خبركم في قـناة الجزيره...

يارشيد هذي حالة العالم اليـوم...
وياجعـل تـال الامر خيرً وخـيره...

بحر