"ياطــــــــــــيــر "

السلام عليكم ورحمة الله وبركاتة

اعزائي اعضاء منتدانا الموقر اليكم هذة القصيدة المتواضعة " من وحي الخيال لا اكثر " اتمنى ان تنال على اعجابكم ..... اترككم مع القصيدة

" ياطـــير"


ياطير وش صحاك في تالي اليل
سمعت تغريدك ولاهي بعادة

ياطير من علمك جر المواويل
وش هو سبب صد الكرى وابتعادة

ياطير نوحك حزن والا تهاليل
والا تنوح من الفرح و السعادة

ياطير سامرني وهات التفاصيل
وابد الجروح الخافية للضمادة

وانا من الي يحفظ السر لا قيل
والسر كتمانة وحفظة عبادة

كاتم ثمان سنين سهم المضاليل
الي جرح جفني وجلاء رقادة

الطرف كحلة فية من دون تكحيل
وشفاتها جمر ن تزايد وقادة

وش عاد صف ن مثل صف الفناجيل
فية الرضاب الي حلاتة زيادة

وكف ن كما الوادي خضابة هو السيل
ماتعترف من رقتة بالوسادة

والعنق مالة وصف لكن كما قيل
لا وا هني السلسلة والقلادة

في مشيها مشي الاصيلة من الخيل
لولا لها ساق ن يعيقة شدادة

شوقي عليها شوق راع المعاميل
الي هجرها نذر وابطى مرادة

الي نذر ياخذ بثار المقاتيل
وهو عود مجلي شيب راسة سوادة

ثارة علية ابعد من الجدي وسهيل
وسبابتة اقرب قريب لزنادة

يضيق صدرة لاسمع ناجر الهيل
ويفيق نذر الثار ويعيف زادة

مقصوف قلبة قصف طير الابابيل
ولاثنت عزوم الامل والارادة

ياطير وش لك بالسهر والتهاويل
اطلق جناحك عن غصون النكادة

السهر حمل ن ماقوى حملة شعيل
لو تضرب الامثال فية الجلادة


وسلامتكم .... تحياتي للجميع