العمر يمضي بين حلوه ومره

دنياك لو تسوى من الحزن ذره
ما كان تاليها .. توابيت وقبور


العمر يمضي بين حلوه ومره
والموت حق وقابض الروح مأمور


دام الحياه الفانية مستقره
ورزقك يجيك وبين الأجواد مستور


لا تنشغل بالوقت برده وحره
واحذر تصير بقسمة الناس مقهور


وحكم القدر لاجاك خيره وشره
اشكر عظيم الشان والذنب مغفور


والمجلس اللي يزعجك لا تمره
خله تراك بشوفته منت مجبور


اطلق خيالك وأترك النفس حره
وخل الطبيعة في حياتك لها دور


وبالليل لا بانت نجوم المجــــــره
اذكر بديع الخلق باحساس وشعور


واســــــجد لرب الكون مليون مره
واحفظ لسانك واترك الكذب والزور


وفروض ربك خلها مســـــــتمره
وطاعتك لا يدخل بها نقص وقصور