يا مكثر ذنوبك

يااااه يامكثر ذنوبك يوم قلت انك هويت

وياااااه يامكبرظنوني يوم عانقت الغراام



اعترف ( ياهيه) انك لاهويت ولاوفيت

واعترف انك مكبل بين اشواك وحطاام



وآآه يامكبر عذابي كل ماشفته بكيت

وآآه ياخوف ٍحواني في متاهات الظلام



اعترف اني حبيبه واعترف اني انتهيت

واعترف ان المشاعر احتدت حدو انتقام



رااح وقتي ياحسافه ماتفيد اليوم ليت

رااح واقفى باالاماني واختفى وسط الزحام



وباتت اشواقي سجينه وبعناها ما قويت

وبت في قاصي ضميري ارتجي فيّ السلام



ضيع يادمعي بعيني واثبت اني به شقيت

ضيع في درب التجافي واسرف بمر الكلام



لاتناديله( حبيبي) ولاتقول اني هديت

ولاتـــذكرنّي باسمه بين اطــــياف الاناام



روح ابعد عن زماني ياهوى منك اكتفيت

روح فارقني دخيلك لاعتاب ولا ملاام



ذابت حروف القصيده والعنا في كل بيت

وجفت انهار القوافي بين ارياح الخصام



زيد ياوقتي عذابي ادري اني به حييت

زيد بالغ في جروحي دون رأفه واهتمام



ادري ان الجرح جرحي وبين احضانه ربيت

واعترف ان المــــــآسي بين اهدابي تنام



آآه ياوقتي امانه لو تصادف والتقيت

وشفت محبوبي دخيلك به ترفّق يا حراام



وخبره اني حنونه لاهجرت ولاقسيت

بس صوت الهجر منّه اخرس حروف الوئام