الساعة دهر

\7

[poem=font="simplified arabic,4,darkblue,bold,normal" bkcolor="transparent" bkimage="" border="groove,4,gray" type=2 line=0 align=center use=ex num="0,black"]
من يوم هيجنت القصايد والزمـان يـدور والساعة دهر=استنطق الساعة فـرح بعد الـتَّرح لكـن بحـزني ناطقة
صحيح انا ساخط علـى الدنيا ولـو فكَّـرت القّيها ظهر =مامات حزني قلت اعيش الحزن واخسرها ولاهي فارقه
الوقت يجبرنـي علـى بعض الوجيه اللي تجرّعني قهر =شاهت وجيهٍ كل مامريتها رفّت شواربها ولا هي صادقه
تلوكني بلسانها في السر لوك الداجنة وان جيت تمدحني جهر=لاعـدت يا بيت الـرديّ اللـي بلا شمسٍ ظلاله حارقه
كـم واحدٍ بالواسطة حضه يبيع ويشتري لـه واشتهر =يقـرض شعير بلاشعـور وكل شعره فالحقيقة سارقه
لاقمت اهيجن بالقصايد من سمعني هز راسه وانبهر=قال انت وينك يوم حظ الشعر قام وشفت شمسه شارقه
قلت البلى مالي عصا تسند خطاي ولاحزام ولا مهر=والا طـروق القيل فـي الخاطر خياله لاتحاقر بارقه
انا قصيدي من تراث سليم وعروقه على مجرى نهر=مثل الشجر ظله ظليل ومن قراح الما غصونه وارقه
ورثٍ ورثته عن ملوك الشعر ماهو في سنة والا شهر=تدبك خيوله فوق صدري للسبق لامن طرقني طارقه
غربالكم ياحاجبين الشمس ماغطى على شمس الظهر=لكن تعالوا هزوا اجذوع النخيل اللي بصدري باسقه
[/poem]