#1
|
||||
|
||||
يا حزنها ! .. رتل معيّ تنهيدتي لا جفّ فوقي مزنها !
. ياحزينه ! دوريني في زوايا الياس... في ياس المدينة ! دوريني في ملامح وجهك الدافي وقولي .. : قولي : وينه !؟ شاعر ٍ ماحبّته بنت وبكى ! شاعر ٍ مانسّته بنت وشكى ! شاعر ٍ يركض ورى الأحلام والأحلام تهرب من يدينه ! دوري عنّه دخيلك فـ المرايا .. في وجيه أحلى الصبايا ! في النوايا ! في الزوايا ! في الهدايا ! فـ الزهور اللي تحبّك .. فلها مع ياسمينه ! دوري عنّه دخيلك في صباحك ! في دموعك .. وانشراحك ..! وسط حزنك ! وارتياحك .. وسط دفتر مل من نزفه ومن دمعات عينه ! دوريه ..! فالوجيه اللي تنادي فالغيابات الوجيه ! فالحنين اللي أبيه وفالأنين اللي يبيه ! ولابكى حزنه عليه ! ولابكيتي تذكرينه ... دوريه ! في عيون أطفال مرّوا ... وابتسامه ! وسط صمته .. لاجفا صوته كلامه ..! وسط دفترك الحزين .. يوم كنتي تكتبينه .. يوم صرتي تشطبينه ! دوريه .. لاغفى سمعك على صوته ونام ! فـ السكوت وفـ الكلام ! فـ الحمام اللي بصدره يوم طيّر لك حمام ! في ملامح صبح بارد كان بيدك تشعلينه ! أسألي عنه .. يدّينك ! واسألي بينك وبينك.! كيف مرّ فـ يوم عينك لين مات احساس عينك ! وانتي عينه !! ياحزينه .. !؟ . . و... آتنفّس رغم هذا الضيق في صدر المدينة ..! وآتبسّم حتى لو مابه ..... عصافير وأغاني ! وانتي أنتي .. مثل ماأنتي ..ولكنّك حزينة ! تربكين الدمع ويل الدمع من ضيق المحاني ! صح أنا مااخترت اكون إنسان يمكن تعشقينه ! بس انا ماخترت أكون إلا معاك انسان ثاني ! كنت اقول البحر ماينشد عن هموم السفينه ! صرت أقول اللحين دلوني على وجه المواني ! آه .. واللي خالق ٍ بي صوت يصعب تسمعينه ! ماقطفتك ( لحظة ٍ حلوة ) من أغصان الثواني ! أشبه احساسي ولاأشبه هذاك اللي ... تبينه ! شاعر ٍ من ضعت عندك ضاع يوم إنه لقاني ! أشبه اللي مرّ في صدري وانا مدري حنينه مثل هذا الفرح ..... هذا الجرح لامنّه بكاني ! أنسكب لك شي مثل المي ! يمكن تشربينه ! وارتوي بك شعر.. مثل الشعر لامنّه .. دعاني ! مثل هذا الحزن هذا الحزن لامرّ بـ سكينه ! مثل هذا النور مثل شعور من يدّي .. خذاني ! مثل هذا اللي يدوّر في يدينك .. عن يدينه ! مثل هذا اللي يمرّ اللحين كل اللي .. قراني !! مثل هذا اللي يحث خطاه ماتلحق .. سنينه ! مثل هذا اللي تشوفي كيف لو شفتيه جاني !؟ شاعرك لو ماتنفّس ضاق به صدر المدينة شاعرك لو ماتبسّم .... كان مارفّت أغاني ! أفتحي قلبك وشوفي وش ورى دمعات عينه يمكن تحسيّن باللي ماقوى ... ينطق لساني ! لايمر ّ الحزن مثل اللي يمرّ .. وفي يمينه ! قلب ماتنبض سنينه مثل .. نبضات الأماني ! من يقول الصبح هذا صبح ! واشياءه حزينه ! من يقول الناس مثل الناس ماحس ّ بحناني ! الحزن ماهو مثل ماشعر واحسّك .. تشعرينه ! الحزن لاجيت ادور لك وانا اجهل مكاني ! . . ياحزنها ! رتّل معي تنهيدتي لاجف ّ فوقي مزنها ! .
__________________
. . مَجنُونً هَالحلٌمً ، ............... | عيّت تُضبطً | أوضَإآعَه ~! |
#2
|
||||
|
||||
رد: يا حزنها ! .. رتل معيّ تنهيدتي لا جفّ فوقي مزنها !
يعطيك العافيه على هذا النقل المتميز
|
#3
|
||||
|
||||
رد: يا حزنها ! .. رتل معيّ تنهيدتي لا جفّ فوقي مزنها !
نقل جميل يعطيك الف عافيه
تحياتي لك
__________________
|
#4
|
||||
|
||||
رد: يا حزنها ! .. رتل معيّ تنهيدتي لا جفّ فوقي مزنها !
الريم اللعوب
يعطيك العافيه على هذا النقل الرائع وصح لسان قائل النص الجميل |
#5
|
||||
|
||||
رد: يا حزنها ! .. رتل معيّ تنهيدتي لا جفّ فوقي مزنها !
لــكـــل من مــر هنــآآآآ
اكآليـــل ورد لآتنتهي ~ ||دمتم كما تحبـــون ||
__________________
. . مَجنُونً هَالحلٌمً ، ............... | عيّت تُضبطً | أوضَإآعَه ~! |
#6
|
||||
|
||||
رد: يا حزنها ! .. رتل معيّ تنهيدتي لا جفّ فوقي مزنها !
\7
__________________
؛ >
|
تعليمات المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
الابتسامات متاحة
كود [IMG] متاحة
كود HTML معطلة
|
|