حداية اهل الوفاء

هذي حدايه بديت بها على اصحاب لي في مكه كانت تربطني معهم علاقة تجاريه واخويه ولهم معزه كبيره وهم جلهم من سليم ومن عتيبه وبعد مانتقلت من مكه لجده تقلص التواصل بيننا الا عبر الجوال وفي المناسبات والحوا علي بعزيمه واعتذرت اكثر من مره ولكن هذي المره عزمت البي الدعوه ولكن بشرط رد الزياره وهذا وضحته في الحدايه وتوكلنا على الله ولفيتهم وقلت


سلام ردية وفاء تنصى رياجيل الظفاره. من بعد طول غياب زرناكم نبي رد الزياره
والرجل دايم مع رجال المعرفه واهل النظاره
يمشي على سلم الوفاء والحمل من رازه يقله

والثانيه حكيم يبصم بصمته فوق الاشاره
مايبري السقمان لين يجود تجوده الحراره
فيه الدوا مار الدوا لازم تجي فيه المراره
وانتم تحلون العقد واللغز جاء للي يحله

الرد من الشاعر عبد المحسن القويعي
نيابه عن المعازيب

يامرحبا ترحيبة ننصابها اللي فالصداره
وحبل المواصل بيننا ممدود مانخلف مساره
راع العلوم الغانمه لوغاب محفوظا وقاره
على الوفاء والطيب مايحتارفي دربه يدله
******
وترى الحكيم اللي ذكرته فاللزوم تشب ناره
يستخدمونه فالجزيره من بعد فك الجباره
يكوابه المرضان ثم يطيب ويعمر دياره
الميسم الحامي دوا ياصاحبي للشركله

وبيض الله وجيهم على الاستقبال المشرف من رجال الوفاء ماهي غريبه على سليم وعتيبه والله يجملنا مع الرجال

******

صح لسانك. زومالة وافية ورد كايف

بيض الله وجيهكم.

ونفيدكم. ان الزواميل تكتب في قسم التراث

وسوف يتم نقل. الزومالة الى هناك ان شاء الله

تقديري واحترامي

شاعرنا القدير عبد الله العطافي صح بدنك لاعدمتك والعفوا منك العتب على النظر من جهة كيفية عدم وضع الزوماله في القسم الخاص بها يمكن اخذنا الحماس اشكرك على التنبيه تحاتي******